ایمز ٹی وی (کراچی) لیاری چاکیواڑہ میں قانون نافذ کرنے والے اداروں کی کارروائی کے دوران مبینہ مقابلے میں گینگ وار کے دوملزم ہلاک ہوگئے ہیں ۔ مارے جانے والے ملزمان کی شناخت سمیر اور بالاچ کے ناموں سے ہوئی جن کا تعلق عزیز بلوچ گروہ سے بتایا جاتا ہے،ملزمان رینجرز اہلکار سمیت 20 افراد کی ٹارگٹ کلنگ کے علاوہ بھتہ خوری اور اغوا برائے تاوان کی متعدد وارداتوں میں بھی پولیس کو مطلوب تھے جبکہ ان کے قبضے سے اسلحہ اور آوان بم بھی برآمد کیا گیا ہے،لیاری کے علاقے تغلق لین میں ایک اور پولیس مقابلے میں ہوا جس میں گینگ وار کا ملزم حنیف عرف کیلا ہلاک ہوگا۔ ترجمان رینجرز کے مطابق ہلاک ملزم تین افراد کے قتل اور بھتہ خوری میں ملوث تھا۔

ایمز ٹی وی (کراچی)ایس ایس پی سینٹرل نعمان صدیقی کے مطابق ایف سی ایریا میں پولیس نے سرچ آپریشن کے دوران مفرور ملزموں سمیت 9 افراد کو حراست میں لے لیا ہے جن سے تفتیش جاری ہے۔ دوسری طرف ایس پی گلبرگ اسد چوہدری کی سربراہی میں گلبرگ ڈویژن کے مختلف تھانوں کی پولیس نے کٹی پہاڑی کا محاصرہ کرکے سرچ آپریشن کیا اور 22 مشتبہ افراد کو حراست میں لے لیا۔

ایمز ٹی وی(فارن ڈیسک) امریکہ کے شہر میں ایبولا کے وائرس سے بچنے کے اقدامات کئے جا رہے ہیں-اور امریکی شہر نیویارک اور نیو جرسی کے گورنروں نے حکم دیا ہے کہ مغربی افریقی ممالک سے آنے والے ان تمام مسافروں کو 21 دن کے لیے الگ تھلگ رکھا جائے جن کا واسطہ کسی بھی طرح سے ایبولا کے مریضوں سے رہا ہے۔یہ مشترکہ اعلان ایسے وقت میں آیا ہے جب ایک دن پہلے ہی ڈاکٹر کریگ سپینسر میں ایبولا کی تصدیق ہوئی ہے جو کچھ وقت پہلے گنی سے لوٹے تھے۔دونوں گورنروں نے کہا کہ جمعے کو افریقہ سے واپس آئے ایک اور طبی کارکن کو الگ تھلگ کر دیا گیا ہے لیکن ان میں ابھی تک ایبولا کی علامات نہیں پائی گئیں۔

ایمز ٹی وی (کراچی) پولیس نے ایدھی سینٹر میں ڈکیتی کےمرکزی ملزم کو کورنگی کے علاقے سے گرفتار کر لیا ہے، تفصیلات کے مطابق پولیس نے کورنگی کے علاقے زمان ٹاﺅن میں کارروائی کرکے ایدھی سینٹر میٹھادر میں ڈکیتی کے مرکزی ملزم مظہر عرف اکوکو حراست میں لے کر اس کے قبضے سے ملکی اور غیر ملکی کرنسی برآمد کی ہے۔ پولیس کا کہنا ہے کہ ملزم راشد 16 سال سے ڈکیتیوں کی کئی وارداتوں میں ملوث رہا ہے اور کئی ماہ جیل میں بھی رہ چکا ہے، رواں برس اس نے ایدھی سینٹر کے علاوہ دیگر کئی وارداتیں بھی کی ہیں، ملزم نے مسروقہ سونے اور دیگر نقدی کے علاوہ اپنے دیگر ساتھیوں کی بھی نشاندہی کی ہے جس پر کارروائیاں جاری ہیں۔