کراچی: سرسیدیونیورسٹی آف انجینئرنگ اینڈ ٹیکنالوجی میں گراءونڈ پلس 10 عمارت کی تعمیر کی منصوبہ بندی کےلئے ترقیاتی سفر کے بارے میں ایک معلوماتی پریزنٹیشن دی گئی

اس موقع پرنئے بلاک کی تعمیراور سرسید یونیورسٹی کے ترقیاتی سفر کے حوالے سے رجسٹرار سید سرفراز علی نے ایک معلوماتی پریزنٹیشن دی ۔

سرسید یونیورسٹی کے بورڈ آف گورنرز کے ممبرسردار یاسین ملک کااس موقع پر اظہارِ خیال کرتے ہوئے کہنا تھاکہ انسان چاہے جتنا بڑا ہوجائے اسے اپنا ماضی نہیں بھولنا چاہئے ۔ ماضی آپ کی جدوجہد اور کٹھن سفر کا آئینہ دار ہوتا ہے ۔ پہلے کے مقابلے میں آج ترقی کے زیادہ مواقع اور سہولیتں دستیاب ہیں ۔ جدید ٹیکنالوجی سے استفادہ کرکے آپ اپنی معیشت کو بہتری کی طرف لے جاسکتے ہیں جس میں تعلیم مرکزی کردار ادا کرتی ہے ۔
انہوں نے تجویز پیش کی کہ طلباء کو شروع ہی سے اسکالر شپ دی جانی چاہئے تاکہ وہ مالی رکاوٹ کے باعث تعلیم حاصل کرنے سے محروم نہ رہیں اور پوری دلجمعی اور یکسوئی کے ساتھ تعلیم پر توجہ مرکوز کریں ۔ سردار یاسین ملک نے سرسید یونیورسٹی کی انتظامیہ کو اس بات کی یقین دہانی کرائی کہ وہ عمارت کی تعمیر کے سلسلے میں ہرممکن تعاون کریں گے

۔سرسید یونیورسٹی کے چانسلر جاوید انوار نے کہا کہ سردار یاسین ملک ایک تعمیری سوچ رکھنے والے خدا ترس انسان ہیں جو فروغِ تعلیم کے لیے کوئی دقیقہ فروگزاشت نہیں کرتے ۔ شہر کراچی میں کئی ادارے ان کے تعاون سے چل رہے ہیں ۔ ان کی موجودگی ہمارے لیے باعثِ تقویت رہی ہے اور امید ہے کہ ان کی سرپرستی ہمیشہ ہمارے ساتھ رہے گی ۔ عمارت کی تعمیر کے سلسلے میں بھی ان سے تعاون درکار ہے ۔

۔وائس چانسلر پروفیسر ڈاکٹر ولی الدین نے کہا کہ سردار یاسین ملک تعلیم اور صحت کے شعبے میں مثبت کام کر رہے ہیں اور ان کے مفید مشوروں اور رہنمائی کی وجہ سے یونیورسٹی ترقی کی راہ پر گامزن ہے ۔

کراچی: بابر اعظم عظیم بیٹرز کی صف میں شمولیت کے قریب پہنچ گئے۔

بابر جلد ہی انٹرنیشنل کرکٹ میں 10 ہزار رنز مکمل کرسکتے ہیں۔

کیریبیئن ٹیم کے خلاف ملتان میں شروع ہونے والی ون ڈے سیریز پاکستانی کپتان بابر اعظم کیلیے ایک بہت بڑا موقع بھی اپنے ساتھ لائی، وہ اس میں اچھی کارکردگی سے انٹرنیشنل کرکٹ میں 10 ہزار رنز مکمل کرسکتے ہیں، اس کے ساتھ ہی ان کا نام اپنے ملک کے عظیم بیٹرز کے ساتھ درج ہوجائے گا۔

بابر کو سیریز سے قبل اس سنگ میل پر پہنچنے کیلیے مزید 202 رنز درکارتھے، انھوں نے ویسٹ انڈیز کے خلاف پہلے ون ڈے میں سنچری بنا کر اچھا آغاز کیا،وہ اب تک 50 سے زائد کی اوسط سے 901رنز 201انٹرنیشنل میچز میں بنا چکے ہیں، اس دوران انھوں نے مجموعی طور پر 24 سنچریاں اور 65 ففٹیز اسکور کیں، بابر کی فارم اور صلاحیتوں کو دیکھتے ہوئے ان کیلیے بقیہ 2میچز میں یہ سنگ میل عبور کرنا مشکل دکھائی نہیں دیتا۔

اب تک پاکستان کے 11 کرکٹرز تینوں فارمیٹس میں مجموعی طور پر 10 ہزار رنز کا سنگ میل عبور کرچکے ہیں، ان میں انضمام الحق، یونس خان، محمد یوسف، جاوید میانداد، سلیم ملک، سعید انور، محمد حفیظ، شعیب ملک، شاہد آفریدی اور مصباح الحق شامل ہیں۔

سابق کپتان انضمام الحق کو پاکستان کی جانب سے سب سے زیادہ رنز بنانے کا اعزاز حاصل ہے، انھوں نے انٹرنیشنل کرکٹ میں 20 ہزارسے زائد رنز اسکور کیے۔

ویسٹ انڈیز سے سیریز انضمام کے شہر ملتان میں کھیلی جارہی ہے، اس کے آغاز سے قبل کپتان بابر اعظم نے کہا تھا کہ ہمارے لیے یہ بہت ہی خوشی کی بات ہے کہ ملتان میں بھی انٹرنیشنل کرکٹ اس سیریز کے ساتھ بحال ہوگئی، ہمیں یقین ہے کہ شائقین ان میچز سے خوب لطف اندوز ہوں گے۔

اسلام آباد: فیڈرل بورڈآف انٹرمیڈیٹ اینڈسیکنڈری ایجوکیشن بورڈکےتحت بارہویں جماعت ریگولرو پرائیوٹ کےایڈمٹ کارڈزجاری کردیئےگئے۔

ایڈمٹ کارڈز بورڈ کی آفیشل ویب سائٹ پر اپلوڈ کردیئے گئےہیں۔بورڈکی جانب سے طلبا و طالبات کوہدایت دی گئی ہےکہ وہ بورڈکی آفیشل ویب سائٹ سےڈائون لوڈ کرسکتے ہیں جبکہ پرائیوٹ امیدواروںکی رول نمبر سلپ انکےدیئے گئے پتے پر ارسال کردی گئی ہے۔

واضح رہےوفاقی تعلیمی بورڈ کے تحت گیارہویں اور بارہویں جماعت کے امتحانات کاآغاز14جون سے ہوگادونوں جماعت کے امتحانات دو شفٹوں میں ہونگےپہلے گروپ کا پرچہ 8:00بجے جبکہ شام کا پرچہ2:00بجے ہوگا۔
تمام امیدواروں کو امتحانی مراکز میں امتحانات سے آدھا گھنٹہ قبل پہنچنے کی ہدایت کی گئی ہے۔

میرپور : آزاد اینڈ جموں کشمیرانٹرمیڈیٹ اینڈ سیکنڈری ایجوکیشن بورڈکےتحت بارہویں جماعت ریگولرو پرائیوٹ کے ایڈمٹ کارڈزجاری کردیئے۔

ایڈمٹ کارڈز بورڈ کی آفیشل ویب سائٹ پر اپلوڈ کردیئے گئےہیں۔بورڈکی جانب سے طلبا و طالبات کو ہدایت دی گئی ہے کہ وہ بورڈ کی آفیشل ویب سائٹ سے ڈائون لوڈ کرستے ہیں جبکہ پرائیوٹ امیدواروںکی رول نمبر سلپ انکےدیئے گئے پتے پر ارسال کردی گئی ہے۔

واضح رہے: آزاد اینڈ جموں کشمیر بورڈ کے تحت ر بارہویں جماعت کے امتحانات کاآغاز18جون اورگیارہویں جماعت کے امتحان 6 جولائی سے ہوگادونوں جماعت کے امتحانات دو شفٹوں میں ہوگا پہلے گروپ کا پرچہ8:30بجے جبکہ شام کا پرچہ1:30بجے ہوگا جبکہ جمعۃ المبارک کوشام کا پرچہ 2:30 بجے ہوگا۔

تمام امیدواروں کو امتحانی مراکز میں امتحانات سے آدھا گھنٹہ قبل پہنچنے کی ہدایت کی گئی ہے۔

گجرانوالہ : گجرانوالہ تعلیمی بورڈکے تحت بارہویں جماعت کے ایڈمٹ کارڈز جاری کردیئے۔

ایڈمٹ کارڈز بورڈ کی آفیشل ویب سائٹ پر اپلوڈ کردیئے گئےہیں۔بورڈکی جانب سے طلبا و طالبات کو ہدایت دی گئی ہے کہ وہ بورڈ کی آفیشل ویب سائت سے ڈائون

لوڈ کرستے ہیں جبکہ پرائیوٹ امیدواروںکی رول نمبر سلپ انکےدیئے گئے پتے پر ارسال کردی گئی ہے۔

یا د رہے گجرانوالہ بورڈ کے تحت گیارہویں جماعت کے امتحان 6 جولائی اور بارہویں جماعت کے امتحانات کاآغاز18جون سے ہوگا۔دونوں جماعت کے امتحانات دو شفٹوں میں ہوگا پہلے گروپ کا پرچہ8:30بجے جبکہ شام کا پرچہ 1:30بجے ہوگا جبکہ جمعۃ المبار ک کوشام کا پرچہ 2:30 بجے ہوگا۔

تمام امیدواروں کو امتحانی مراکز میں امتحانات سے آدھا گھنٹہ قبل پہنچنے کی ہدایت کی گئی ہے۔

مانیٹرنگ ڈیسک : پاکستانی صارفین کے لیےچینی موبائل کمپنی نےایف سیریز کا ’ایف 21 فائیو جی پرو‘ پری آرڈر فروخت کے لیے پیش کردیا۔

اوپو پاکستان کی جانب سے تین جون کو ’ایف 21 فائیو جی پرو‘ کی آن لائن قبل از وقت فروخت کا اعلان کیا گیاتھاساتھ ہی کمپنی کی جانب سے پیشگی بکنگ کروانے والوں کے لیے ڈسکاؤنٹ اور گفٹ کا اعلان بھی کیا۔

کمپنی نے فون کے پری آرڈر فروخت کرنے والے صارفین کے لیے ساڑھے تین ہزار روپے کی رعایت کے علاوہ ایک گفٹ پیک کا بھی اعلان کیا۔کمپنی کے مطابق فون کو براہ راست کمپنی یا دوسری ویب سائٹس سے پری آرڈر کیے جانے پر صارفین کو خصوصی گفٹ دیا جائے گا۔

’ایف 21 فائیو جی پرو‘ کو کمپنی نے 69 ہزار 999 روپے میں پری آرڈر فروخت کے لیے پیش کیا ہے اور کمپنی کا یہ پہلا فون ہوگا، جس میں ڈوئل آربٹ لائٹس دی گئی ہیں۔

فون کے بیک پر تین کیمرے دیے گئے ہیں، جن میں سے مین کیمرا 64 میگا پکسل جب کہ دوسرا 2 میگا پکسل میکرو اور تیسرا 2 میگا پکسل ڈیپتھ کیمرا دیا گیا ہےساتھ ہی موبائل کے فرنٹ پر 16 میگا پکسل سیلفی کیمرا دیا گیا ہے

اس میں 4500 ایم اے ایچ کی بیٹری 33 واٹ چارجر کے ساتھ دی گئی ہے اور کمپنی کا دعویٰ ہے کہ موبائل کی فل بیٹری صرف 63 منٹ میں چارج کی جا سکتی ہے۔بیٹری کے حوالے سےکمپنی کا دعویٰ ہے کہ ’ایف 21 فائیو جی پرو‘ کو محض پانچ منٹ تک چارج کرنے کے بعد تین گھنٹے تک فون کالز کی جا سکتی ہیں۔

فون کو 8 جی بی ریم کے ساتھ پیش کیا گیا ہے، تاہم اس میں میموری کی حد 128 جی بی تک بڑھائی جا سکتی ہے۔ ابھی یہ واضح نہیں ہے کہ ’ایف 21 فائیو جی پرو‘ کو پاکستان میں عام فروخت کے لیے کب تک پیش کیا جائے گا، تاہم خیال کیا جا رہا ہے کہ اسے آئندہ ماہ کے آغاز تک پیش کردیا جائے گا۔

گلگت : قراقرم انٹرنیشنل یونیورسٹی نے دسویں کانووکیشن کےلیے ریہرسل کی تاریخ مقرر کردی

تفصیلات کےمطابق 15جون 2022 کو ہونے والی دسویں کانووکیشن کے لیے طلبہ وطالبات کی ریہرسل کی تاریخ مقرر کرلی۔ ڈائریکٹر پبلک ریلیشنز کے مطابق طلباکی ریہرسل13اور14 جون 2022 کو رکھا گیاہے۔

ریہر سل کے لیے گلگت کیمپس کے بی ایس 2015-2019،2016-2020، ماسٹرز 2017-2019،2018-2020 ایم بی اے 2015-2019،2016-2019،2017-2020، ایم فل،ایم ایس اور پی ایچ ڈی سمیت سب کیمپسز کے تمام فارغ التحصیل طلبا اپنی شرکت کو یقینی بنائیں۔

ریہرسل کے اختتام پر طلبا کو اپنا اور اپنے ساتھ لانے والے مہمان کا دعوت نامہ اور گون بھی وصول کرینگے۔ریہرسل میں شامل نہ ہونے والے طلبہ و طالبات کو گون اور کانوؤ کیشن میں شرکت کے لیے دعوت نامہ بھی مہیا نہیں کیاجائے گا۔

لاہور: پنجاب یونیورسٹی نے آن لائن داخلہ فارم جمع کرانے کی تاریخ میں توسیع کردی۔

پنجاب یونیورسٹی شعبہ امتحانات نے ایسو سی ایٹ ڈگری آرٹس /سائنس سالانہ2022ء کے آن لائن داخلہ فارم و فیس جمع کرانے کی تاریخ میں توسیع کا شیڈول جاری کر دیاہے جس کے مطابق امیدواروں کیلئے ڈبل فیس بمعہ 500جرمانے کے ساتھ آن لائن پورٹل21تا24جون2022تک کھلا رہے گا۔

امتحانات 27جولائی 2022ء سے شروع ہوں گے۔ تفصیلات پنجاب یونیورسٹی کی ویب سائٹ  www.pu.edu.pk پر دیکھی جا سکتی ہیں۔

اسلام آباد : قراقرم انٹرنیشنل یونیورسٹی کے شعبہ امتحانات نےگریجویشن سال2021 کے ضمنی امتحانات کے نتائج کا اعلان کردیا۔

ڈائریکٹر پبلک ریلیشنز میر تعظیم اختر کے مطابق گریجویشن کے ضمنی امتحانات میں مجموعی طور پر1067طلبہ وطالبات شریک ہوئے۔جن میں 879طلبا ضمنی امتحانات پاس کرنے میں کامیاب ہوئے جبکہ 188طلبا امتحانات پاس کرنے میں ناکام رہے۔

ڈائریکٹر پبلک ریلیشنز کے مطابق طلبا کے مارکس شیٹس متعلقہ امتحانی مراکز میں بھیج دیئے جائیں گے۔

تمام طلبہ و طالبات مارکس شیٹ کے حصول کیلئے امتحانی مراکز سے رابطہ کریں۔

لاہور: کرکٹرز کو گرمی سے بچانے کے نسخےتیارکرلیے گئے جب کہ پانی کے زیادہ وقفے ہوں گے۔

پاکستان اور ویسٹ انڈیز کے مابین ون ڈے سیریز گزشتہ سال دسمبر میں کراچی میں ہونا تھی مگر کورونا کیسز کی وجہ سے ملتوی ہوگئی، بعد ازاں اسے رواں ماہ راولپنڈی میں ری شیڈول کیا گیا، عمران خان کے لانگ مارچ کی وجہ سے سیریز کسی دوسرے شہر منتقل کرنے کا فیصلہ کرنا پڑا، لاہور اور کراچی کے اسٹیڈیمز میں نئی پچز کی تیاری کا کام جاری ہے۔

لہٰذا آئی سی سی ورلڈکپ سپر لیگ کے مقابلے ملتان میں کرانے کا فیصلہ کیا گیا،ملک کے گرم ترین شہروں میں سے ایک میں 50اوورز فارمیٹ کے میچز کا فیصلہ بڑی حیرت سے دیکھا گیا،شدید گرمی کا مقابلہ کرنے کیلیے تینوں ون ڈے شام 4 بجے شروع کرنے کا فیصلہ کیا گیا، میچ کے دوران پانی کے اضافی وقفے رکھے گئے ہیں، کرکٹرز خود کو ٹھنڈا رکھنے کیلیے آئس کالر کا استعمال بھی کریں گے۔

ان تمام تر تدابیر کے باوجود تقریباً 45 ڈگری کی سخت گرمی کھلاڑیوں کیلیے کسی امتحان سے کم نہیں ہوگی، زیادہ مسئلہ پہلے بولنگ کرنے والی ٹیم کے فاسٹ بولرز اور فیلڈرز کو پیش آئے گا،اسٹیڈیم کے اسٹینڈز پر چھتیں ضرور ہیں لیکن اگلی نشستوں پر پڑنے والے دھوپ شائقین کو برداشت کرنا ہوگی۔

بہرحال شدید گرم موسم میں پہلے بھی چند میچز تاریخ کا حصہ بن چکے ہیں، 2002 میں پاکستانی کرکٹ ٹیم شارجہ میں آسٹریلیا کیخلاف ایک اننگز میں 59 اور دوسری میں 53 رنز پر آؤٹ ہوئی تھی تو درجہ حرارت 50تھا،اسی سال انضمام الحق نے لاہور کی چلچاتی دھوپ میں نیوزی لینڈ کے خلاف ٹرپل سنچری بنائی۔

آسٹریلیا اور بھارت کی ٹیمیں 2017 میں کولکتہ میں ون ڈے انٹرنیشنل میں مقابل ہوئیں تو اس وقت ٹمپریچر 43 ڈگری تھا۔