ایمزٹی وی(لاہور)لاہور(دنیا نیوز)امیر جماعت اسلامی سراج الحق نے کہا ہے کہ جماعت اسلامی اسلامی حکومت بنانے کے لئے کام کر رہی ہے ، اسلامی حکومت کا مطلب ہے جس حکومت میں قانون سب کے لیے برابر ہو۔تفصیلات کے مطابقمنصورہ لاہور میں جماعت اسلامی کی تربیتی نشست سے خطاب میں سراج الحق کا کہنا تھا کہ اسلامی حکومت بنانے کیلئے جماعت اسلامی کام کر رہی ہے۔اسلامی حکومت کا مطلب ہے جس حکومت میں قانون سب کے لیے برابر ہو اور غریبوں کی فلاح کیلئے کام کیا جائے ۔ ان کا کہنا تھا کہ مشرقی پاکستان بنانے میں بھارت اور امریکہ نے کردار ادا کیا ۔ سراج الحق کا مزیدکہنا تھا کہ پیپلز پارٹی کا دور ہو تو ن لیگ کا کبھی محاسبہ نہیں کیا گیا ۔ ن لیگ کا دور ہو تو پیپلزپارٹی کا محاسبہ نہیں کیا جاتا ، صرف چہرے بدلتے ہیں ، کردار وہی ہیں۔ اسٹیٹس کو کے خلاف عظیم جدوجہد کرنے کا فیصلہ کیا ہے ، اسٹیٹس کو کو سہارا دینے والوں کے خلاف نکلنا ہوگا ۔ ان کا کہنا تھا کہ افغانستان اور پاکستان آپس میں بھائی بھائی ہیں۔
ایمز ٹی وی (تعلیم) جامعہ کراچی میں سمسٹر فیس اور اور امتحانی فیس جمع کرانے کی آخری تاریخ کا اعلان کردیا گیا ہے ۔جامعہ کراچی کے ناظم مالیات ظارق کلیم کے اعلامیے کے مطابق سال برائے 2015 کے کی سمسٹر اور امتحانی فیسیں جمع کرانے کی آخری تعلیم کا اعلان کردیا گیا ہے جس کے مطابق چوتھے ،چھٹے ،آٹھویں اور دسویں سمسٹر کی فیس 11 ستمبر 2015 جمع کرائی جاسکتی ہے ۔جبکہ فیس لیٹ کی ہونے کی صورت میں 500 روپے لیٹ فیس کے ساتھ فیس 30 ستمبر2015 تک جمع کرائی جاسکتی ہے ۔لیٹ فیس 10 اکتوبر 2015 تک 1000 روپے لیٹ فیس کے ساتھ جمع کرائی جاسکتی ہے ۔ واضح رہے کہ کلیہ علوم کے طلبہ اپنی فیس جامعہ کراچی میں واقع ایچ بی ایل بینک جبکہ کلیہ سماجی علوم ، کامرس ، اور اسلامک اسٹیڈیز کے طلبہ اپنی فیسیں نشنل بینک اور علم الادویہ ، کلیہ قانون اور سیلف فنانس کے طلبہ اپنی فیسیں یو بی ایل کیمپس برانچ میں جمع کرائی جاسکتی ہے ۔
ایمز ٹی وی (تعلیم) ثانوی و اعلیٰ ثانوی بورڈ سکھر کے ناظم امتحانات کے جاری کردہ اعلانیہ کے مطابق سیکنڈری اسکول سرٹیفیکیٹ دسویں جماعت کے سپلیمنٹری امتحانات 2015 کے سلسلے میں امتحانی فارم حاصل کرنے اور جمع کرانے کی تاریخوں کا شیڈول جاری کردیا گیا ہے جس کے مطابق خواہشمند امیدوار 25 اگست تک بٖغیر لیٹ فیس فارم جمع کرائے جاسکتے ہیں ۔26 اگست سے 8 ستمبر تک فارم بمع لیٹ فیس لیئے جائینگے جبکہ 9 ستمبر سے 29 ستمبر تک 800 روپے لیٹ فیس کے ساتھ فارم جمع کئے جائینگے ۔
ایمزٹی وی(کراچی)کراچی میں فشرمین کوآپریٹو سوسائٹی میں ہونے والی کروڑوں کی کرپشن میں ملوث اہم چہرے سامنے آ گئے ہیں۔تفصیلات کےمطابق عہدیدارکے مطابق نثار مورائی اور سلطان قمر صدیقی روزانہ 25 سے 30 لاکھ روپے بھتے کی مد میں وصول کرتے تھے۔ فشرمین کوآپریٹو سوسائٹی میں ہر کام کیلئے ڈھائی پرسنٹ کا کمیشن فکس تھا۔ نثار مورائی، سلطان قمر صدیقی روزانہ 25 سے 30 لاکھ بھتہ وصول کرتے تھے۔ ذوالفقار چیف ، گل منیر ، ذیشان اور منان 16 فش مارکیٹوں سے رقم وصول کرتے تھے۔ لانچ مالکان سے برف بھرنے کیلئے روزانہ 8 سے 10 لاکھ روپے بھتہ وصول کیا جاتا تھا۔ رانا شاہد، ابوذر،عمر جت، سلمان سندھی، محمد خان چاچڑ، چیئرمین نثار مورائی اور وائس چیئرمین سلطان قمر صدیقی کے فرنٹ مین تھے۔ اہم عہدیدار نے انکشاف کیا ہے کہ فشرمین کوآپریٹو سوسائٹی میں 338 غیر قانونی اور 89 گھوسٹ ملازمین بھرتی کیے گئے نثار مورائی اور سلطان قمر صدیقی کے 57 سکیورٹی گارڈز ، 10 ایڈوائزر اور 2 کوآرڈینیٹر تھے۔
ایمزٹی وی(اسلام آباد) وزیر داخلہ چوہدری نثار علی خان نے پیر کے روز نادرا ہیڈکوارٹرز میں قومی شناختی کارڈ کے آن لائن اجرا کا افتتاح کردیا۔ اب شہری اپنے شناختی کارڈز کی تجدید سمیت نادرا سے متعلق امور گھر بیٹھے آن لائن سسٹم کے تحت نمٹاسکیں گے۔ صرف پہلی بار شناختی کارڈ بنوانے کیلئے نادرا کے دفتر آنا پڑے گا۔ 6 ماہ کے بعد پاسپورٹ کی تجدید بھی گھر بیٹھے ہوسکے گی۔ دبئی کی طرح کے13 نیکسٹ جنریشن بزنس سنٹر قائم کیے جائیں گے۔ نادرا چھ ماہ میں ڈی این اے لیب بنائیگا۔ میرج، برتھ سرٹیفکیٹس کے اجرا کیلیے سینٹر لائزڈ اور ڈیجیٹلائزڈ سسٹم لایا جائیگا۔ ذرائع کے مطابق نادرا نے شناختی کارڈ کی آن لائن تجدید اور دیگر امور کیلیے جدید سافٹ ویئرتیارکرلیا ہے۔ نادرا کا آن لائن فارم جلدنادراکی آفیشل ویب سائٹ پردستیاب ہوگا۔
ایمزٹی وی(ایجوکیشن)کراچی میٹرک بورڈ نےطلباکےپریکٹیکل کی نتائج پرمشتمل کاپیاں جمع نہ کروانے والوں اسکولوں کے نام جاری کردئے تفصیلات کےمطابق 10تعلیمی ادارے ایسے ہیں جنھوں نے اپنے طلبا کے فزکس پریکٹیکل کے نتائج پر مشتمل کاپیاں اب تک جمع نہیں کرائی ہیں جس کی وجہ سے 800 طلبہ متاثر ہوئے ہیں اُن کے مسئلہ کو بھی ترجیحی بنیاد پر حل کیا جا رہا ہے۔ ایسے اسکولوں میں دی ہائی برو اسکول ، 7-C-22, بلاک آئی نارتھ ناظم آباد،سر سید چلڈرن اکیڈمیD-17رضویہ سوسائٹی ناظم آباد، باب ُ العلم پبلک سیکنڈری اسکول B,75,77لیاقت آباد، کے بی گرامر اکیڈمی A-121بلاک 17ایف بی ایریا گلبرگ،آل سینٹس ہائی اسکول پلاٹ نمبر 67بلاک 13-Eگلشن اقبال، نیازی گرامر پرائمری و سیکنڈری اسکول محمود آباد نمبر6،عائشہ پبلک اسکول سیکٹر Aعوامی چوک منظور کالونی،فریال ماڈل اکیڈمی گورنمنٹ بوائز سیکنڈری اسکول ماڈل کالونی،کراچی کریسنٹ سیکنڈری اسکول L259-260سیکٹر 48/C کورنگی نمبر ڈھائی اور اے بی ایس گرامر اسکول B-13 سیکٹر 7/A سرجانی ٹاؤن شامل ہیں۔
ایمزٹی وی(ایجوکیشن)ثانوی تعلیمی بورڈ کراچی میں2 روز تک احتجاج کرنے والے میٹرک کے فیل طلبا کی کاپیوں کی خصوصی اسکروٹنی کاعمل مکمل ہوگیا،اسکروٹنی کے نتیجے میں احتجاج کرنے والے99فیصدطلبا کے جاری کردہ نتائج درست اورمتعلقہ طلبا کے ریاضی، طبعیات اورانگریزی کے پرچوں میں فیل ہونے کا انکشاف ہوا ۔اس سلسلے میں طلبا کی کاپیوں کی اسکروٹنی پیرکی رات گئے تک جاری تھی، بورڈ ذرائع کے مطابق 300 کے قریب اپنے نتائج سے ناخوش ان طلبا میں سے بیشتران پرچوںمیں فیل تھے جس میں انھوں نے احتجاج کے بعد اسکروٹنی کی درخواست دی تھی ثانوی تعلیمی بورڈ کراچی کے ناظم امتحانات نعمان احسن نے معاملے کی تصدیق کرتے ہوئے بتایا کہ احتجاج کرنے والے طلبا کی کاپیوں کی اسکروٹنی کاعمل مکمل ہوگیا اور ان میں سے99 فیصدطلبا طبعیات،ریاضی اورانگریزی کے پرچوں میں فیل ہیں۔طلبا کی کاپیوں کی اسکروٹنی کے لیے ایگزامینر اورہیڈ ایگزامینرکی خدمات لی گئی تھیں ،ناظم امتحانات کاکہنا تھا کہ شفاف نتائج کے سبب بعض مافیا کے افراد طلبا کو استعمال کرنے کی کوشش کررہے ہیں ،واضح رہے کہ ان طلبا نے ایک بارپھرپیرکوبورڈمیں احتجاج کیاتھا اوراپنے نتائج کی تصدیق کامطالبہ کیا تھا ، ادھر بورڈ کے اعلامیے کے مطابق چیئرمین پروفیسر انوار احمد زئی نے کہا ہے کہ کسی بیرونی مداخلت اور دباؤ کے بغیر میٹرک کے امتحانات کے شفاف نتائج کے اعلان کے بعد بعض طلبہ کو اپنے نتائج کی تصدیق درکار تھی۔
ایمزٹی وی(کراچی)7سالہ بچے کے اغوا اور قتل کے مجرم شفقت حسین کو آج صبح کراچی سینٹرل جیل میں پھانسی دے دی گئی۔ تٖفصیلات کےمطابق 7 سالہ بچے کے قتل کے مجرم شفقت حسین کو سینٹرل جیل کراچی میں تختہ دار پر لٹکا دیا گیا، اس موقع پر جیل کے اطراف میں سیکیورٹی کے سخت انتظامات کئے گئے تھے جب کہ گزشتہ روز مجرم کی اہل خانہ سے آخری ملاقات کروادی گئی تھی۔ واضح رہے کہ اس سے قبل مجرم شفقت حسین کے 4 مرتبہ ڈیتھ وارنٹ جاری ہوئے تھے جس پر عمل در آمد نہیں ہو سکا تھا ، مجرم شفقت حسین نے 2001 میں 7 سال کے لڑکے کو اغوا کے بعد قتل کردیا تھا جس پر2004میں انسداد دہشت گردی کی عدالت نے مجرم کو سزائے موت سنائی تھی۔