ایمزٹی وی (اسپورٹس)چیمپئنز ٹرافی میں پاک بھارت میچ کے دوران کشمیری شہریوں پر بھارتی مظالم کو بے نقاب کرنے کی مہم چلائی جائے گی۔
سوشل میڈیا پرکشمیریوں سے اظہار یکجہتی کیلیے کشمیری عوام سے آواز اٹھانے کی اپیل کی جارہی ہے، چیمپئنز ٹرافی کے اہم ترین معرکے یعنی روایتی حریفوں پاکستان اور بھارت کے میچ کے دوران کشمیری عوام بھارتی مظالم کے خلاف اسٹیڈیم میں احتجاج کریں گے۔
سوشل میڈیا پر کشمیری عوام سے اظہار یکجہتی کی مہم زوروں پر ہے۔ 4جون کو مقبوضہ کشمیر کے نہتے عوام کو نشانہ بنانے والی افواج کے مظالم کا پردہ چاک کرنے کی اس کوشش سے کشمیری بھائی پرامید ہیں کہ دنیا کی نام نہاد جمہوریت کو منہ چھپانے کی جگہ نہیں ملے گی جب بھرے میدان میں بھارت کے مکروہ چہرے سے نقاب کھینچا جائے گا، اس سلسلے میں سوشل میڈیا پر عوام سے مطالبہ کیا جارہا ہے کہ احتجاج میں زیادہ سے زیادہ تعداد میں شرکت کرکے مظلوم کشمیریوں کی حمایت کا اعلان کریں۔
