5 ماہ کے دوران گاڑیوں کی فروخت میں 45 فیصد کمی ہوگئی

تفصیلات کے مطابق جولائی سے نومبر کے دوران 55 ہزار 407 گاڑیاں فروخت ہوئیں، گزشتہ مالی کے پہلے 5 ماہ میں ایک لاکھ 997 گاڑیاں فروخت ہوئیں تھیں۔ 1300 سی سی کی گاڑیوں کی فروخت میں 64 فیصد کمی دیکھی گئی۔

5 ماہ میں 1300سی سی کی 16ہزار 551 گاڑیاں فروخت ہوئیں، ہزار سی سی کی گاڑیوں کی فروخت میں 59فیصد کمی ریکارڈ کی گئی۔

انہی 5ماہ میں ہزار سی سی کی 9 ہزار گاڑیاں فروخت ہوئیں، ہزار سی سی سے چھوٹی گاڑیوں کی فروخت میں 59 فیصد اضافہ ریکارڈ کیا گیا۔ ہزار سی سی سے چھوٹی 21 ہزار 580 گاڑیاں فروخت ہوئیں۔ نومبر 2019 میں 9 ہزار 840 گاڑیاں فروخت ہوئیں۔