ایمز ٹی وی(بزنس)اسٹیٹ بینک پاکستان کے مطابق عوام كی بینكاری ضروریات كا ادراك كرتے ہوئے عیدالفطر كی تعطیلات كے دوران بینكاری خدمات كی مؤثر فراہمی كے لیے اقدامات اٹھائے گئے ہیں جس کے تحت کمرشل بینکوں کو تمام شاخیں 2 اور 9 جولائی بروز ہفتہ کھولنے کی ہدایت دی ہے۔ اسٹیٹ بینک نے ہدایات جاری کرتے ہوئے کہا ہے کہ كمرشل بینك 24 گھنٹے اے ٹی ایم خدمات كی باقاعدگی سے دستیابی یقینی بنائیں گے، اے ٹی ایمز پر نقد رقومات كی دستیابی اور جلد فراہمی كے لیے بینك متعلقہ اے ٹی ایم فیڈنگ برانچوں پر كرنسی كے اسٹاك كے لیے مناسب انتظامات كریں گے اور اے ٹی ایمز كی خرابی یا كرنسی نوٹوں كی قلت سے متعلق شكایات كے فوری ازالے كے لیے فوكل پرسن كے رابطہ نمبروں سے عوام كو آگاہ كریں گے۔ دوسری جانب وزیر خزانہ سینیٹر اسحاق ڈارنے ان میڈیا رپورٹس كا نوٹس لیا ہے جن میں كہا گیا ہے كہ بوجہ عید تعطیلات بینكوں كے بندرہنے سے عوام كو مشكلات پیش آسكتی ہیں۔ اس حوالے سے اسحاق ڈار نے ملاقات كے دوران ڈپٹی گورنر سعید احمد كو اس ضمن میں عوامی خدشات سے آگاہ كرتے ہوئے کہا کہ بینك تعطیلات كے دوران 24 گھنٹے اے ٹی ایم كی سہولت كو یقینی بنائیں اوراس بات كو بھی یقینی بنایا جائے۔