ایمز ٹی وی ( کراچی )سندھ ہائی کورٹ کے جسٹس عرفان سعادت خان کی سربراہی میں قائم 2 رکنی بنچ نے حیدرآباد سینڑل جیل میں قید انوار احمد زئی کی میڈیکل بورڈ تشکیل دینے سے متعلق دائر درخواست پر سیکرٹری صحت کو ہدایت کی ہے کہ درخواست گزارکے طبی معائنے کیلئے 3ڈاکڑوں پر مشتمل میڈیکل بورڈ تشکیل دیا جائے۔
درخواست گزار انوار احمد زئی کے وکیل نے موقف اختیار کیا ہے کہ ان کے موکل دل کے عارضے میں بھی مبتلا ہیں لہذٰا سیکرٹری سندھ کو پابند کیا جائے کہ وہ درخواست گزار کے طبی معائنے کے لئے میڈیکل بورڈ تشکیل دیں۔