ایمزٹی وی(کراچی/ تعلیم) جامعہ کراچی نے بی کام پرائیوٹ کے امتحانی فارم جمع کرانے کی تاریخ کا اعلان کردیا۔ جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق بی کام پرائیویٹ کے امتحانی فارم 3فروری تک جمع کرائے جاسکتے ہیں۔ بی کام سال اول ودوم کے امتحانی فارم 4400/= روپے فیس کے ساتھ جبکہ بی کام سال اول ودوئم باہم کے امتحانی فارم 7700/= روپے فیس کے ساتھ جامعہ کراچی کے سلورجوبلی گیٹ پر واقع بینک کائونٹرز پر جمع کرائے جاسکتے ہیں۔ واضح رہے کہ ایسے طلبہ جو 2010 ء یا اس سے قبل کی رجسٹریشن کے حامل ہیں انہیں امتحانی فیس کے علاوہ 3000/= روپے اضافی چارجز بھی جمع کرانے ہوں گے۔