ایمز ٹی وی (تعلیم /کراچی)انجمن اساتذہ کا اجلاس اسٹاف کلب میں ڈاکٹر شکیل فاروقی کی صدارت منعقد ہواجس میں وفاقی ہائر ایجوکیشن کمیشن کی جانب سے دوسالہ بیچلرز اور تین سالہ آنرز پروگرامز اور ایک سالہ اور دوسالہ ماسٹرز پروگرام ختم کرنے کے اعلان کو جامعات کی خود مختاری پر کاری ضرب کے مترادف قراردیا ہے۔
انجمن اساتذہ نے فپواسا کے فیصلے کی حمایت کرتے ہوے کمیشن کے اس فیصلے کو مسترد کیامطالبہ کیا کہ کمیشن فوری اس فیصلے کو واپس لے اور جامعات کی باڈیز کے اختیارات میں مداخلت نہ کرے۔
اجلاس میں انجمن اساتذہ نے ایچ ای سی کی جانب سے کنورژن کے معاملات میں مداخلت پر سخت تشویش کا اظہار کرتے ہوئے جامعہ کراچی کی انتظامیہ سے مطالبہ کیا ہے کہ پہلے وہ ایم فل اور پی ایچ ڈی کے داخلوں کے سلسلے میں واضح پالیسی جاری کرے اور اس ابہام کو دور کرے جو اس کے جاری کردہ نوٹیفکیشن سے ہوا ۔