ایمزٹی وی(کراچی/ تعلیم)اعلیٰ ثانوی تعلیمی بورڈ کراچی نے نقل اور امتحانی پرچہ باہر جانے سے روکنے اور میرٹ پر مستقل ناظم امتحانات اور سیکرٹری لگانے کے بجائے اپنا نزلہ میڈیا پر گرادیا ہے جبکہ وٹس اپ گروپ کو روکنے سے بھی انکار کردیا.
بورڈ کی جانب سے جاری کی گئی پریس ریلیز میں کہا گیا کہ بورڈ کے خلاف پروپیگنڈا کیا جا رہا ہے،اعلامیے میں اس امر پر انتہائی افسوس کا اظہارکیا گیاہے کہ27اپریل کی رات بارہ بجے تک بڑے زور و شور سے الیکٹرانک میڈیا پر پروپیگنڈا کیا گیا کہ طالبعلموں کو ایڈمٹ کارڈ نہیں مل سکے جو کہ سراسر غلط ثابت ہوا۔
بورڈ نے بروقت ایڈمٹ کارڈ جاری کئے اس سلسلے میں فرضی طلبہ کے انٹرویوز بعض چینلز پر نشر کئے گئے جن کا تعلیم/امتحانات سے کوئی تعلق ہی نہیں تھا ۔