ایمزٹی وی(تعلیم/کراچی)نئے سال کی آمد کے ساتھ ہی بچوں کی چھٹیاں ختم ہوگئیں اور پنجاب کے تمام وفاقی و سرکاری اسکول کھل گئے جس کے ساتھ ہی تعلیمی سرگرمیوں کا آغاز ہوگیا ہے۔ پنجاب کے بیشتر اے کلاس نجی اسکول سات جنوری سے کھلیں گے تاہم کئی پرائیوٹ اسکولز کی انتظامیہ نے آج سے ہی اپنے اسکول کھول دیے ہیں۔
دوسری جانب سندھ کے بھی تمام سرکاری اسکولوں میں موسم سرما کی تعطیلات ختم ہوگئیں۔ محکمہ تعلیم کے مطابق سندھ کے تعلیمی اداروں میں 22 دسمبر سے 31 دسمبر تک چھٹیاں تھیں اور فیصلے کا اطلاق تمام سرکاری و نجی تعلیمی اداروں پر تھا۔
مگر کراچی سمیت سندھ بھر میں تمام سرکاری اسکول تو کھل گئے ہیں لیکن پرائیوٹ اسکول کل دو جنوری سے کھلیں گے۔