ایمز ٹی وی ﴿ایجوکیشن﴾ جامعہ کراچی میں گذشتہ روزایم فل /پی ایچ ڈی کے طلباءوطالبات کا داخلہ ٹیسٹ متعلقہ شعبہ جات میں منعقد ہوا ۔ جس میں2349طلبا وطالبات نے شرکت کی۔ اس موقع پرڈاکٹر شکیل احمد خان کی سربراہی میں رئیس کلیہ سماجی علوم پروفیسر ڈاکٹر مونس احمر،رجسٹرارپروفیسر ڈاکٹر معظم علی خان اور صدورشعبہ جات انتظامات کی نگرانی کرتے رہے۔

تمام شعبہ جاتی تحقیقی کمیٹی کے ممبران نے نتائج جانچ کربورڈ برائے اعلیٰ تعلیم وتحقیق کے آفس میں جمع کرادیئے ہیں۔ کامیاب امیدواروں کی فہرست 22 مئی 2015ء کو جامعہ کی ویب سائٹ ( www.uok.edu.pk ) پر اَپ لوڈ جبکہ شعبہ جاتی نوٹس بورڈ پر آویزاں کردی جائے گی۔

کامیاب امیدواروں کی حتمی فہرست05 جون 2015ء کو جامعہ کی ویب سائٹ اور متعلقہ شعبے کے نوٹس بورڈ پر آویزاں کی جائے گی۔ ٹیسٹ میں کامیاب ہونے والے امیدوار انٹرویوز کی تاریخ کے لئے متعلقہ شعبہ جات سے رابطہ کرسکتے ہیں۔