ایمز ٹی وی(ایجوکیشن)صوبائی حکومت نے سندھ کی تمام میڈیکل کی جامعات کو مکمل خود مختاری دینے کا فیصلہ کرتے ہوئے ان کا بجٹ محکمہ صحت کے بجائے وزیر اعلی ہاؤس کے ماتحت کرنے کا فیصلہ کیا ہے۔وزیر اعلی ہاؤس زرائع کے مطابق وزیر اعلی سندھ کی میڈیکل جامعات سمیت تمام جامعات کا بجٹ اب متعلقہ محکموں کے بجائے براہ راست وزیر اعلی ہاؤس کے تحت جائے گا۔
اس مقصد کیلئے وزیر اعلی ہاؤس میں پہلے ہی سیکرٹری جامعات و بورڈز کا عہدہ تخلیق کیا جا چکا ہے اور تمام اسکیموں اور بجٹ کے لئے رقم وزیر اعلی ہاؤس جاری کرے گا اس مقصد کے لئے آئندہ مالی سال کے بجٹ میں جامعات کے لئے خطیر رقم مختصم کی جارہی یے۔
اب تمام جامعات فنڈز اور اسکیموں کے حوالے سے متعلقہ محکموں کے بجائے براہ راست وزیر اعلی ہاؤس کے سیکرٹری سے رجوع کرسکیں گی یہ بھی معلوم ہوا ہے کہ تمام میڈیکل کی جامعات کو داخلوں کے حوالے سے بھی خود مختاری جارہی ہے.