چیئرمین پیرنٹس ایکشن کمیٹی محمدکاشف صابرانی نے چیف جسٹس آف پاکستان سےمطالبہ کیا ہے کہ موجودہ حالات کےپیش نظر نجی اسکولوں کوفوری طور پر3 ماہ کی فیس لینے سےروکنے کےاحکامات جاری کرے.  انکا کہنا ہے کہ والدین پہلے ہی 20 فیصد ریلیف کا ناانصافی قرار دے چکی ہیں. 3 ماہ تک کسی قسم کی پڑھائی نہ ہونے کےباوجود پوری فیس کی وصولی والدین کےساتھ سراسر ناانصافی کےمترادف ہے۔

انہوں نےمزید کہاہےکہ سندھ ہائی کورٹ بھی اس سلسلے میں بچوں کےوالدین کوریلیف فراہم کرنے میں مدددے.نجی تعلیمی ادارے ایڈمشن فیس,  سالانہ فیس, اسپورٹس ودیگرفیسوں کی مدمیں پہلےہی والدین سےکئی گنا زیادہ فیسیں وصول کررہے ہیں۔ 

انہوں نے وفاقی حکومت,  چیف جسٹس آف پاکستان اورچیف جسٹس سندھ ہائی کورٹ اس سلسلے میں والدین کو ریلیف دلوانے میں اپنا کردار ادا کریں۔