اسلام آباد: ملک بھر میں تعلیمی ادارے کھولنے کےحوالے سےوفاقی وزیر تعلیم شفقت محمود کی زیرصدارت بین الصوبائی وزرائے تعلیم کا اجلاس ہوا جس میں وفاقی وزارت تعلیم نے تعلیمی ادارے کھولنے سے متعلق اپنی تجاویز پیش کیں۔
ذرائع کا کہنا ہے کہ اجلاس میں صوبوں نے تعلیمی ادارے مرحلہ وار کھولنے کی سفارش کی ہے اور تجویز دی گئی ہے کہ پہلے مرحلے میں 15 ستمبر کالجز اور جامعات کو کھولا جائے۔
جبکہ صوبوں نے تجویز دی ہے کہ 23 ستمبر سے چھٹی سے آٹھویں جماعت کی اجازت دی جائے اور آخری مرحلے میں 30 ستمبر سے پانچویں تک کی کلاسز کو کھولا جائے۔ جس کا حتمی فیصلہ قومی رابطہ کمیٹی برائے کورونا کے اجلاس میں کیا جائے گا۔