کراچی: وفاقی وزیر تعلیم شفقت محمود کی وزیر تعلیم و محنت سندھ سعید غنی سے ان کے دفتر میں ملاقات ہوئی

ملاقات میں سیکرٹری تعلیم سندھ محمد احمد ناریجو ، وفاقی جوائنٹ سیکرٹری تعلیم رفیق طاہر، ایڈیشنل سیکرٹری تعلیم سندھ فوزیہ خان، محکمہ تعلیم سندھ کے افسران بھی موجود ہیں.

 

ملاقات میں ملک بھر میں تعلیم کے حوالے سے تبادلہ خیال کیا گیا. وفاقی وزیر تعلیم شفقت محمودکاکہناتھا کہ ہماری بھرپور کوشش ہے کہ ملک بھر میں تعلیمی معیار کو مزید بہتر سے بہتر بنایا جائے.کووڈ 19 کے بعد ملک بھر میں تعلیم کے حوالے سے مشکلات ضرور ہوئی ہیں لیکن ہم کوشش کررہے ہیں کہ اس کا زیادہ سے زیادہ ازالہ کیا جاسکے.

 

اس موقع پر وزیر تعلیم سندھ سعید غنی کا کہناتھا کہ ملک بھر میں کووڈ 19 کے بعد تعلیمی اداروں کے حوالے سے مشترکہ پالیسی کے باعث بہت سے مسائل کا حل ممکن ہوسکا ہےہم اس بات پر متفق ہیں کہ تعلیمی اصلاحات کے لیے تمام صوبوں کی مکمل مشاورت ہو

 

انہوں نے مزید کہا کہ تعلیمی نصاب، تعلیمی سال سمیت تمام پر تمام صوبوں کی مشاورت سے ہم ملک بھر کے تعلیمی معیار کو بہتر سے بہتر بنا سکیں گے