لاہور:ایم ایس میں داخلے کے لئے ڈگریوں میں ایک سمسٹر کی مدت میں اضافے نے مشکلات کھڑی کردی۔

اسلامی یونیورسٹی کے انٹر نیشنل انسٹی ٹیوٹ آف اکنامکس میں ایم ایس اکنامکس اینڈ فنانس اور ایم ایس اکنامکس میں یکم فروری سے شروع ہو نے والے سمسٹر کے داخلوں کیلئے ایک بھی داخلہ نہ ہو سکا

ایم ایس اکنامکس کیلئے صرف14طلبہ اور ایم ایس اکنامکس اینڈ فنانس کیلئے صرف چار طلبہ نے درخواستیں دیں جنہیں بلایا گیا لیکن داخلہ نہیں دیا گیا ۔

ڈائریکٹر جنرل انٹر نیشنل انسٹی ٹیوٹ آف اکنامکس ڈاکٹر عبدالرشید کا کہنا تھا کہ ایم ایس کے طلبہ کی ڈگریوں میں ایک سمسٹر کی مدت بڑھانا بھی داخلے نہ کر نے کی ایک وجہ ہے ۔

دوسری طرف انہوں نے خود ہی اپنی بات کی تردید کر تے ہوئے کم درخواستیں آنے کی وجہ سمر سمسٹر کو قرار دیا ۔