ایمزٹی وی(ایجوکیشن) راولپنڈی کے اسکولوں میں چھٹی ، ساتویں اور آٹھویں جماعت کی مانٹیرنگ جبکہ اساتذہ کی خراب کارکردگی کے خلاف کاروائی کرنے کافیصلہ کرلیا گیاہے۔تفصیلات کے مطابق صوبائی حکومت نے فیصلہ کیاہے کہ آئندہ چھٹی ،ساتویں اور آٹھویں جماعت کی مانیٹرنگ کی جائے گی تاکہ اساتذہ کی جانب سے پڑھائی کا جائزہ لیا جاسکے ، کلاسز کے ایک ماہ میں تین ٹیسٹ لیئے جائیں گے جبکہ ان ٹیسٹوں کے نتائج آن لائن وزیرتعلیم اور صوبائی سیکرٹری ایجوکیشن کو بھجوائے جائیں گے۔یکم اپریل 2016سے چھٹی ،ساتویں اور آٹھویں جماعت کی مانیٹرنگ کی ذمہ داری ڈی ٹی ای کی ہوگی اور ڈی ٹی ای کو ماہانہ 10ہزار اضافی ، موٹرسائیکل اور پٹرول الاؤنس بھی دیاجائے گا علاوہ ازیں اساتذہ کی خراب کارکردگی پر کاروائی بھی کی جائے گی۔