ایمز ٹی وی (ایجوکیشن) صوبائی محکمہ تعلیم کی ناقص کارکردگی اور قومیائے گئے اسکولوں کو جان بوجھ کر نجی پارٹیوں کے حوالے کرنے کی پالیسی کے باعث سول اسپتال کے قریب کروڑوں روپے مالیت کے طالبات کے سرکاری اسکول کو نجی پارٹی کے حوالے کردیا گیا اس طرح اب تک 150سے زائد قومیائے گئے اسکولوں کو نجی پارٹیوں کے حوالے کیا جاچکا اور چند کے سوا سب کی عمارتیں توڑ کر کمرشل پلازہ مین تبدیل کرکے مافیا اربوں روپے کما چکا ہے۔
بتایا جاتا ہے کہ یہ اسکول قیام پاکستان سے قبل ایک ماریشس کے جوڑے نے علاقے کی طالبات کے لئے قائم کیا تھا جہاں مفت تعلیم دی جاتی تھی قیام پاکستان کے بعد یہ یہ جوڑا ماریشس واپس چلا گیا اور مقامی لوگ اسکو چلاتے رہے بعدازاں اسے قومیا لیا گیا۔ ایم بی گورنمنٹ گرلز سکینڈری اسکول عمارت بظاہر ایک عدالتی حکم پر خالی کی گئی لیکن اس کی اپیل بھی نہیں کی گئی نہ ہی ہائی کورٹ سے رجوع کیا گیا بلکہ سکریٹری تعلیم یا ڈائریکٹر ایجوکیشن کے نوٹیفیکشن کے بجائے اسے خالی کرنے کے احکامات ڈسٹرک ایجوکیشن افسر ایلیمینٹری، سیکنڈری اور ہائرسکینڈری اسکولز جنوبی صبا محمود نے دیئے۔
مکحمہ تعلیم ضلع جںوبی کی کوارڈینیٹر فرزانہ نے بتایاکہ طالبات کو کم کرنے کے لئے مرکزی دروازہ بند کردیا گیا، کبھی چوری کی جاتی کبھی طالبات کو ڈرایا جاتا اور پھر اس کے نتائج خوفناک نکلے طالبات کی تعداد کم ہوتی گئی اور پھر گزشتہ دو سال سے ایک طالبہ بھی نہیں رہ گئی تھی جس کے بعد اسکول کی عمارت میں توڑ بھوڑ کی گئی سامان باہر پھیک دیا گیا۔