ایمز ٹی وی (تعلیم)چارسدہ کی باچا خان یونیورسٹی پر حملے کے بعد گوجرانوالہ کے گورنمنٹ ایلیمینٹری اسکول گرجاکھ کے ہیڈ ماسٹر طارق قریشی نے اسکول کے باہرسیکیورٹی گارڈ کی ذمہ داری سنبھال لی ہے۔ ان کا کہنا ہے کہ پشاور کے آرمی پبلک اسکول پر حملے کے بعد پنجاب حکومت نے اسکولوں کے لئے سیکیورٹی گارڈز فراہم کرنے کا اعلان کیا تھا،لیکن بار بار یاد دہانی کے باوجود ابھی تک ان کے اسکول کو سیکورٹی گارڈ فراہم نہیں کیا گیا ہے۔ گورنمنٹ ایلیمنٹری اسکول گرجاکھ سیکورٹی اداروں کی جانب سے حساس ترین قرار دیئے گئے تعلیمی اداروں میں شامل ہے ،اسکول کے ہیڈماسٹر کا کہنا ہے کہ سیکیورٹی فراہم کئے جانے تک وہ گارڈ کے فرائض انجام دیتے رہیں گے۔