ایمزٹی وی (تعلیم) رکن قومی اسمبلی عبدالوسیم نے کہا ہے کہ ذہین اور مستحق بچوں کو بہترین تعلیمی سہولتوں کی فراہمی انتہائی مستحسن اقدام ہے۔ ان خیالات کا اظہار انہوں نے نارتھ کراچی میں لیومنری لرننگ سرکل کے تحت اسکالر شپ پروگرام کے اجراءکی تقریب سے خطاب کرتے ہوئے کیا۔ عبدالوسیم نے کہا کہ میرے لئے انتہائی خوشی کی بات یہ ہے کہ یہ ادارہ میرے حلقہ میں یہ خدمات انجام دے رہا ہے اور اس حوالے سے میں کسی بھی کام کے لئے ہر وقت حاضر ہوں۔ لیومنری لرننگ سرکل کی ماسٹر ٹرینر مسز ثمرین خان نے اسکالر شپ پروگرام کے اغراض و مقاصد پر روشنی ڈالی۔ اسکالر شپ پروگرام کے تحت منتخب بچوں کو 3 برس کی عمر سے اگلے چار برس تک نہ صرف معیاری تعلیمی سہولتیں اور نصابی ساز و سامان مفت فراہم کیا جائے گا بلکہ ان کے اہل خانہ کو ان کی معاشی ضرورت کے مطابق ماہانہ وظیفہ بھی دیا جائے گا۔