ایمز ٹی وی (ایجوکیشن) سندھ کے سینئر وزیر تعلیم نثار احمد کھوڑو نے کہاہے کہ سرکاری اسکولوں سے پرائیویٹ اسکولوں کے نتائج بہتر ہیں بچوں کے ہاتھوں میں بندوق نہیں کتابیں دیکھنے کا خواہشمند ہوں صوبے میں 18ہزار ٹیچر میرٹ پر بھرتی کئے ہیں۔ 

نثار احمد کھوڑو کا کہناہےکہ سندھ میں سرکاری تعلیم کا نظام بہتر نہیں ہے اس کے ذمہ دار ہم سب ہیں انہوں نے کہاکہ ہم تعلیم کے بہتر معیار کے لیے صوبے میں بائیومیٹرک نظام لے آئے ہیں تاکہ اساتذہ ڈیوٹی کرنے کے پابند رہیں انہوں نے کہاکہ صوبے میں 50لاکھ کے قریب بچے زیر تعلیم ہیں ان کے لیے دو کروڑ 70لاکھ کتابیں چھاپی ہیں انہوں نے صوبے میں بعض اسکولوں کے بند ہونے کا اعتراف کیا اور بند اسکولوں کو کھولنے کا اعلان کیا انہوں نے کہاکہ سندھ میں 50ہزار اسکول ہیں۔ ہم کلاشن کوف کلچر کے مخالف ہیں ہم تعلیمی اداروں میں امن قائم رکھیں گے،موجودہ حالات میں تعلیمی اداروں کو مطلوبہ سیکورٹی دیں گے۔