ایمزٹی وی(ایجوکیشن) سندھ کے کالج اساتذہ سے مبینہ امتیازی سلوک کے خلاف سندھ پروفیسرز اینڈ لیکچرارز ایسو سی ایشن ضلع کورنگی کراچی کے تحت گورنمنٹ گرلز ڈگری کالج کورنگی نمبر 4 کے باہر احتجاجی مظاہرہ کیا گیا ۔ اس مظاہرے میں ضلع کورنگی کراچی کے کالج اساتذہ نے شرکت کی۔ سپلا کے مرکزی صدر پروفیسر علی مرتضیٰ،کراچی ریجن کے صدر پروفیسر فیروز الدین صدیقی، پروفیسر عامرالحق، پروفیسر عزیزاللہ میمن نے مظاہرے سے خطاب کرتے ہوئے کہا کہ سندھ میں کالج اساتذہ کے مظاہروں کوکافی دن ہو چکے ہیں مگر افسوس تاحال حکومت کے کسی ذمہ دار نے سپلا کے نمائندگان سے رابطہ نہیں کیا ۔انہوں نے کہا کہ سندھ میں کالج اساتذہ کی مسلسل حق تلفی کی جارہی ہے ان کے جائز حقوق سلب کیے جارہے ہیں.