آئی سی سی چیمپئینز ٹرافی کیلئے 15 یا سے زائد رکنی اسکواڈ جمع کروانے کی ڈیڈلائن آج ختم ہوگی۔

میڈیا رپورٹس کے مطابق آئی سی سی ایونٹس کیلئے ٹیموں کو طے شدہ طریقہ کار کے تحت ایونٹ سے ایک ماہ قبل کھلاڑیوں کے نام جمع کروانے ہوتے ہیں، چیمپئینز ٹرافی کیلئے یہ ڈیڈ لائن 12 جنوری ہے۔

متعدد رپورٹس میں دعویٰ کیا گیا ہے کہ پاکستان طریقہ کار پورا کرنے کیلئےآئی سی سی کو نام بھجوا دے گا تاہم پاکستان کی جانب سے ابتدائی اسکواڈ کے اعلان کا کوئی ارادہ نہیں ہے۔
رپورٹس کے مطابق پاکستان کرکٹ بورڈ اسکواڈ کے اعلان سے قبل جارح مزاج اوپنر صائم ایوب کی فٹنس کا انتظار کررہا ہے جس کے بعد حتمی اسکواڈ تشکیل دینا چاہتا ہے۔

اسکواڈز کو حتمی شکل 11 فروری تک دی جا سکتی ہے، اس کے بعد آئی سی سی کی منظوری درکار ہوگی۔

چیمپئینز ٹرافی سے قبل پاکستان کو نیوزی لینڈ اور جنوبی افریقا کیخلاف سہ فریقی سیریز کھیلنی ہے، جس کیلئے اسکواڈ کا اعلان ہوسکتا ہے تاہم یہی اسکواڈ برقرار رکھا جائے گا جس میں کم ازکم تبدیلیاں ہوںاس سہ ملکی سیریز میں طویل عرصے بعد واپسی کرنیوالے اوپنر فخر زمان کو بھی موقع دیے جانے کا امکان ہے۔

دوسری جانب صائم ایوب کی چیمپئینز ٹرافی میں شرکت فٹنس سے مشروط ہے۔