ایمزٹی وی(پشاور) خیبر پختونخوا میں لڑکیوں کے حقوق کے لیے کام کرنے والی ایک تنظیم 'اویئر گرلز' نے رواں ہفتے لندن میں ایک عالمی ایوارڈ حاصل کیا ہے۔ تفصیلات کے مطابق ادارے کی سربراہ اور خواتین کے حقوق کے لیے سرگرم گلالئی اسمعیل نے میڈیا سے گفتگو کرتے ہوئے بتایا کہ 'ود اینڈ فار گرلز ایوارڈ' دنیا کے 19 مختلف ملکوں میں کام کرنے والے 20 تنظیموں کو دیا گیا ہے جن میں ان کا ادارہ بھی شامل ہے۔اس ایوارڈ کا مقصد خواتین اور لڑکیوں کے حقوق کے لیے سرگرم ان مقامی تنظیموں کی مدد کرنا اور انہیں مزید مضبوط بنانا ہے جن کی قیادت خود خواتین کے پاس ہے۔'اویئر گرلز' نامی ادارہ 2002ء میں قائم کی گئی تھی جس کا مقصد ایک ایسا پلیٹ فارم بنانا تھا جہاں سے خیبر پختونخوا کی خواتین اور لڑکیاں اپنے حقوق کے بارے میں آگاہی حاصل کر سکیں اور اپنے حقوق کے لیے لڑسکیں ۔