ایمزٹی وی (صحت) انسانی جسم میں 70 فیصد تک پانی پایا جاتا ہے اور اسی وجہ سے روزانہ اس کا باقاعدگی سے استعمال صحت مند زندگی کے لئے انتہائی اہم ہے۔پانی انسانی زندگی کے لئے انتہائی اہم ہے اور اس کے بغیر انسانی زندگی کا تصور نہ صرف ناممکن ہے بلکہ صحت مند زندگی گزارنے کے لئے بھی اس کا باقاعدگی سے استعمال ضروری ہے جو کہ انسان کو بے شمار بیماریوں سے بچاتا ہے اور تندرست و توانا زندگی بھی فراہم کرتا ہے۔ انسانی جسم میں پانی کا بہاؤ نہ صرف توانائی پیدا کرتا ہے بلکہ اعصاب کو نقل و حرکت منتقل کرنے میں بھی معاون ثابت ہوتا ہے۔ماہرین طب کے مطابق پانی انسانی جسم کے اندرونی اعضا کو نمی برقرار رکھنے میں مدد فراہم کرتا ہے اور جلد کو تازگی مہیا کر کے اسے نرم، ملائم اور خوب صورت بناتا ہے جب کہ خون کو تازہ آکسیجن کی فراہمی کے ذریعے چہرے کو شگفتگی بھی بخشتا ہے۔ طبی ماہرین کا کہنا ہے انسانی جسم سے روزانہ تقریبا 4 لیٹر پانی کا اخراج ہوتا ہے اسی لئے ضروری ہے کہ اتنی ہی مقدار میں جسم کو روزانہ پانی فراہم کیا جائے تاکہ بیماریوں سے بچاجائے اور ایک صحت مند اور تندرست زندگی گزاری جائے۔
ایمزٹی وی (کھیل) یلنگٹن میں کھیلے جارہے میچ کے تیسرے دن نیوزی لینڈ نے اپنی دوسری اننگز کا آغاز کیا تو ٹام لیتھم اور ہیمش ردرفورڈ نے 75 رنز کی شراکت قائم کرکے ٹیم کو اچھا آغاز فراہم کیا تاہم 40 رنز بناکر ردرفورڈ کے آؤٹ ہونے کے بعد کیوی ٹیم مشکلات کا شکار ہوگئی اور 159 کے مجموعی اسکور پر اس کے 5 کھلاڑی پویلین لوٹ گئے تاہم کپتان کین ولیمسن اور بی جے واٹلنگ نے ذمہ دارانہ کھیل کا مظاہرہ کیا اور لنکن بولرز کو کسی کھاتے میں لائے بغیر کھیل کے اختتام تک ٹیم کے اسکور کو 253 پر پہنچادیا، کین ولیمسن 80 اور واٹلنگ 48 رنز بنا کر کریز پر موجود ہیں جب کہ سری لنکا کے نووان پرادیپ نے 3 کھلاڑیوں کو پویلین کی راہ دکھائی۔
اس سے قبل سری لنکا نے اپنی پہلی اننگز میں کمار سنگاکارا کی شاندار ڈبل سنچری اور دنیش چندیمل کے 67 رنز کی بدولت 356 رنز بنائے جبکہ نیوزی لینڈ کی ٹیم اپنی پہلی اننگز میں کین ولیمسن کے 69 رنز کے باوجود 221 پر ڈھیر ہوگئی تھی۔
