ایمز ٹی وی (لاہور) پنجاب ایجوکیشن فاؤنڈیشن نے بے وسیلہ بچوں کی مفت تعلیم کے منصوبے ”نیوسکول پروگرام“ میں توسیع کے چھٹے مرحلے میں پارٹنرشپ کے لئے درخواستیں طلب کر لی ہیں -پنجاب ایجوکیشن فاؤنڈیشن نے ”نیو سکول پروگرام“ کے تحت پارٹنرشپ کے لئے صوبہ بھر میں 225 موزوں مقامات کی تفصیل اپنی ویب سائٹ پر جاری کر دی ہے - ان مقامات کا انتخاب مقامی تعلیمی ضروریات کو مد نظر رکھ کر کیا گیا ہے - اس مقصد کے لئے کم از کم 50 فارمل سکول چلانے والی رجسٹرڈ این جی اوز جن کے پاس سکول چلانے کا 5 سالہ تجربہ کے ساتھ ساتھ انفراد ی درخواست گزاروں سے بھی درخواستیں طلب کر لی گئی ہیں تا ہم درخواست گزاروں کے لئے کم از کم تعلیم انٹرمیڈیٹ اور نان پارٹنرہونا لازم ہے - ان علاقوں میں پارٹنرسکولو ںکے قیام سے مقامی مستحق بچوں کو اپنی دہلیز پر مفت تعلیم مل سکے گی-
ایمز ٹی وی (کھیل) پاکستان کرکٹ بورڈ کے زیر اہتمام پینٹینگولر کپ ون ڈے کرکٹ ٹورنامنٹ 31 دسمبر سے نیشنل سٹیڈیم کراچی میں شروع ہو گا۔ طے شدہ شیڈول کے مطابق یہ ایونٹ ملتان میں کھیلا جانا تھا تاہم خراب موسم کے باعث اسے کراچی منتقل کر دیا گیا ہے۔ ایونٹ میں ملک بھر سے پانچ ٹیمیں حصہ لیں گی جن میں پنجاب، سندھ، بلوچستان، فیڈرل ایریاز اور خیبرپختونخوا شامل ہیں۔ ایونٹ کے کامیاب انعقاد کو یقینی بنانے کیلئے تمام تر انتظامات کو حتمی شکل دے دی گئی ہے۔
ایمز ٹی وی (اسلام آباد) اکادمی ادبیات پاکستان کے زیر اہتمام الطاف حسین حالی کی100ویں برسی کے موقع پر خصوصی تقریب ”بیادِ حالی“ 31 دسمبر کو تین بجے سہ پہر کانفرنس ہال اکادمی ادبیات پاکستان ، پطرس بخاری روڈ،H-8/1،اسلام آباد میں منعقد ہوگی۔تقریب کی صدارت پروفیسر فتح محمد ملک کریں گے جبکہ مہمانِ خصوصی ڈاکٹر شاہد صد یقی، وائس چانسلرعلامہ اقبال اوپن یونیورسٹی ہونگے۔ محمد اظہارالحق، ڈاکٹر احسان اکبر، محمد حمید شاہد، ڈاکٹر نجیبہ عارف اور شیراز لطیف،چیئرمین اکادمی ادبیات پاکستان اظہار خیال کریں گے۔کلام حالی کاانگریزی ترجمہ حمزہ حسن شیخ اورتحت اللفظ حیدر فاروق پیش کریں گے۔
ایمز ٹی وی (اسلام آباد)سی ڈی اے مزدور یونین (سی بی اے ) پاکستان کے مزدوروں کی واحد تنظیم ہے جس نے دوران سروس فوت ہونے والے ملازمین کے لیے بیوہ فنڈ قائم کیا اور الحمد اللہ دو کروڑ سے زیادہ رقم بیوگان اور یتیم بچوں میں تقسیم کر چکی ہے جس سے سینکڑوں یتیم بچے اور بچیاں مہنگائی کے اس دور میں زندگی بسر کر رہے ہیں ۔.ان خیالات کا اظہار سی ڈی اے مزدور یونین (سی بی اے ) کے جنرل سیکرٹری چوہدری محمد یسیٰن نے سٹی سیوریج ڈویژن کے دوران سروس فوت ہونے والے ملازم سلامت مسیح (مرحوم ) کی بیوہ کو مبلغ اڑھائی لاکھ روپے کا امدادی چیک دیتے ہوئے کیا۔انھوں نے کہا کہ ہم وزیر اعظم پاکستان کے شکر گزار ہیں کہ انھوں نے سرکاری ملازمین کے جس نئے پیکیج کا اعلان کیا ہے اس سے متاثرہ خاندانوں کو کافی حد تک مالی مد د ملے گی اور وہ معاشی طور پر مستحکم ہونگے اور ایسی مزدور دوست پالیسیوں اور فیصلوں سے یقینا مزدوروں میں پائی جانے والی بے چینی کم ہو گی اور حکومت کی نیک نامی میں بھی اضافہ ہو گا۔انھوں نے چیئرمین سی ڈی اے ،ممبر ایڈمن سے اپیل کی کہ وہ ڈیلی ویجز اور کنٹریکٹ ملازمین کو مستقل کرنے کے عمل میں تیزی لائیں تاکہ جلد از جلد اس پورے عمل کو مکمل کیا جا سکے اس کے علاوہ سی بی اے کے ساتھ طے شدہ معاہدے کے مطابق سی ڈی اے ملازمین کے مطالبات پر فوری طور پر عمل درآمد کرایا جائے تاکہ انتظامیہ اور مزدوروں کے درمیان امن اور محبت کی فضا کو برقرار رکھا جا سکے ۔انھوں نے سی ڈی اے ملازمین کو پیغام دیتے ہوئے کہا کہ وہ وزیر اعظم پاکستان کے وژن کے مطابق دارلحکومت کو خوبصورت بنانے کے لیے اپنے فرائض کو مکمل دیانتداری اور احسن طریقے سے سر انجام دیں تاکہ ادارہ مزید ترقی کر سکے۔
ایمز ٹی وی(اسلام آباد) 28 دسمبر-وفاقی ترقیاتی ادارہ سی ڈی اے ٹریننگ اکیڈمی کے زیر اہتمام اور امریکا کی یونیورسٹی آف کیرولینا اور سٹی یونیورسٹی آف سائنسز کے اشتراک سے ”مارڈرن ٹرینڈ انجینئرنگ مینجمنٹ اور سائنسز“ کے موضوع پر انٹرنیشنل کانفرنس (آج)پےرسے سی ڈی اے ٹریننگ اکیڈمی پاک چائنا سینٹر اسلام آباد میں شروع ہوگی جو 30 دسمبرتک جاری رہے گی ۔کانفرنس میں اب تک 11 ممالک نے شرکت کی تصدیق کر دی ہے ۔سی ڈی اے ٹریننگ اکیڈمی کے ڈائریکٹر جنرل ثناءاللہ امان نے بتایا کہ کانفرنس میں امریکا، کینیڈا، آسٹریلیا، جرمنی، فرانس، سنگاپور، بیلجیئم، جنوبی افریقہ، نیوزی لینڈ، ملائیشیاءاور انگلینڈ نے شرکت کی تصدیق کر دی ہے جبکہ پاکستان سے کراچی، لاہور، حیدر آباد، بہاولپور، پشاور، ڈیرہ اسماعیل خان اور ایبٹ آباد نے بھی کانفرنس میں شرکت کی تصدیق کی ہے اس طرح کانفرنس میں غیر ملکیوں سمیت 140 مندوبین نے شرکت کی تصدیق کر دی ہے۔ انہوں نے کہا کہ کانفرنس کیلئے تین رکنی کمیٹی تشکیل دی ہے، پہلی انتظامات کمیٹی، دوسری استقبالیہ جبکہ تیسری ٹیکنیکل کمیٹی پر مشتمل ہے جو انتظامات کو حتمی شکل دے رہی ہے۔ انہوں نے کہا کہ کانفرنس میں 8 سیشنز ہوں گے جن میں 5 ٹیکنیکل اور 3 مینجمنٹ کے موضوع پر ہوں گے۔ انہوں نے کہا کہ کانفرنس میں پاکستان سمیت دنیا بھر سے دو سو مندوبین کی شرکت متوقع ہے۔کانفرنس کے پیٹرن چیئرمین سی ڈی اے معروف افضل ہوں گے۔ چیئرمین پروفیسر عطاءاﷲ جبکہ پروگرام کے صدر سی ڈی اے ٹریننگ اکیڈمی کے ڈائریکٹر جنرل ثناءاﷲ امان ہوں گے۔ثناءاللہ امان نے کہا کہ سی ڈی اے پہلی مرتبہ انٹر نیشنل کانفرنس کا انعقاد کر رہا ہے جس میں انجیئرنگ شعبہ اور منیجمنٹ مشترکہ طور پر اپنا لاعمل طے کرینگے جس کے بعد سی ڈی اے اکیڈمی سفارشات کو حتمی شکل دے گی ۔ڈائریکٹر جنرل نے کہا کہ انٹر نیشنل کانفرنس میں چیئرمین سی ڈی اے معروف افضل اور ممبر ایڈمن عامر علی احمد نے ان کے ساتھ بھرپور تعاون کیا ہے اور آئندہ بھی تعاون کی یقین دہانی کرائی ہے ۔انہوں نے کہا کہ ٹریننگ اکیڈمی پہلا پوسٹ گریجویٹ کورس ڈپلومہ ”کنسٹرکشن منیجمنٹ“پر پہلا کورس آئندہ سال فروری میں منعقد کر ے گا۔ جس میں سی ڈی اے کے ساتھ ساتھ مختلف یونیورسٹیزکے طلبہ بھی شرکت کرینگے ۔
ایمز ٹی وی (اسلام آباد) 28 دسمبر -ضلعی انتظامیہ اسلام آباد کے زےر اہتمام وفاقی دارالحکومت کے دیہی علاقوں میں پولیو کے خلاف 4 روزہ مہم (آج) پےرسے شروع ہوگی۔ ڈسٹرکٹ ہیلتھ آفےسر ڈاکٹر نجےب درانی نے بتاےا کہ مہم کے دوران اسلام آباد کی 9 یونین کونسلوں بھارہ کہو، کرپہ ، کرال ، کری ، پھل گراں ، روات ، سہالہ ،سوہان اور ترلائی میں 45 ہزار 774بچوں کو پولیو سے بچاﺅ کے حفاظتی قطرے پلانے کے لئے تمام انتظامات کو حتمی شکل دےدی ہے ۔ انہوں نے بتایا کہ ڈسٹرکٹ ہیلتھ ڈپیارٹمنٹ اسلام آباد دیہی علاقوں میں پولیو کے خلاف مہم کے سلسلے میں انتظامات کا جائزہ لے رہا ہے۔ مہم میں 45 ہزار 774بچوںکو پولیو سے بچاﺅ کے حفاظتی قطرے پلائے جائیں گے جس کے لئے 94 ٹیمیں قائم کر دی گئی ہیں۔ دیہی علاقوں میں 4 فکسڈ اور 3 ٹرانزٹ پوائنٹس قائم کئے گئے ہیں، ٹیموں کی کارکردگی کی مانیٹرنگ کے لئے 23 ایریا انچارج مقرر کئے گئے ہیں۔ ڈاکٹر نجےب درانی نے بتاےا کہ ےہ مہم اسلام آباد کے دےہی علاقوں جہاں پر آئی ڈی پےز رہائش پذےر ہے وہاں پر بچوں کو پولےو کے قطرے پلائے جائے گے ۔انہوں نے کہاکہ رواں سال اسلام آباد کے علاوہ ملک کے دےگر شہروں سے 293 پولےو کے کےسز آئے ہے تا ہم اللہ کے فضل وکرم سے اسلام آباد تاحال پولےو فری ہے ۔انہوںنے کہاکہ مہم کے دوران ڈپٹی کمشنر اسلام آباد روزانہ کی بنیاد پر ہر ٹیم کی کارکردگی کا جائزہ لیں گے۔ اسسٹنٹ کمشنرز اور مجسٹریٹس بھی فیلڈ میں ٹیموں کی کارکردگی کی رپورٹ روزانہ کی بنیاد پر ڈپٹی کمشنر اسلام آباد کو پیش کریں گے۔ انہوں نے بتایا کہ ڈسٹرکٹ ہیلتھ آفیسر اور پولیو ٹیموں کو ہدایت کی گئی ہے کہ پولیو کے خاتمے کے لئے اس مہم کے دوران 100فیصد کامیابی حاصل کی جائے اور کوئی بچہ پولیو سے بچاﺅ کے قطرے پینے سے محروم نہ رہے۔
ایمز ٹی وی (اسلام آباد) 28 دسمبر (اے پی پی) علامہ اقبال اوپن یونیورسٹی نے سیلف لرننگ کے فروغ اور تحقیقی کام کے لئے یونیورسٹی کو علم کا سب سے بژا مرکز بنانے کے مشن سے اپنی 'مرکزی لائبریری'کو پاکستان کی سب سے منفرد اور اہم لائبریری بنانے کے کام کا آغاز کردیا ہے ¾ پہلے مرحلے میں یونیورسٹی نے اپنی لائبریری کی جدید تقاضوں کے مطابق آٹومیشن کا کام مکمل کردیا ہے اور اب اس میں موجود کتابوں ¾ رسائل و جرائد ¾ مقالے اور دیگر تمام سہولتوں تک ہرفرد کو رسائی فراہم کردی گئی ہے۔ یونیورسٹی لائبریری تک رسائی کے لئے یونیورسٹی کی ویب سائٹ www.aiou.edu.pkپر وزٹ کیا جاسکتا ہے"۔ان خیالات کا اظہار وائس چانسلر ¾ پروفیسر ڈاکٹر شاہد صدیقی نے لائبریری کی جدید آٹومیشن کی تکمیل کے بعد لائبریری سٹاف کے لئے آٹومیشن کی دو۔روزہ تربیتی ورکشاپ کی اختتامی تقریب سے اپنے خطاب میں کیا۔انہوں نے کہا کہ مرکزی لائبریری کے بلڈنگ میں حسب ضرورت توسیع کی جائے گی تاکہ زیادہ سے زیادہ قارئین کو بیٹھنے کی مناسب جگہ دستیاب ہو اور ان کو لائبریری میں پرسکون اور فریڈلی ماحول دستیاب ہو۔انہوں نے لائبریری میں موجود کتابوں کے ڈیٹا کو جدید سافٹ وئیر کے ذریعے آپریشنل کرنے اورکتابوں کی سرکولیشن کو ایک خود کار نظام کے تحت بنانے کا کام شروع کرنے کی ہدایت کی۔ انہوں نے مزید کہا کہ لائبریری میں کتابوں کی خفاظت اور شناخت کے لئے ریڈیو فریکوئنسی نظام بھی لگایا جائے گا ۔ڈاکٹر صدیقی نے کہا کہ اوپن یونیورسٹی کی مرکزی لائبری ملک کی واحد لائبریری ہے جس میں ایم فل ¾ ایم ایس اور ماسٹر سطح کے چاز ہزار مختلف مقالاجات کی سکین شدہ کاپیاں طلبہ و طالبات کے لئے آن لائن موجود ہیں۔ انہوں نے کہا کہ ملک بھر سے تمام طلبہ و طالبات ان مقالاجات سے یونیورسٹی کی ویب سائٹ www.aiou.edu.pkپر مستفید ہوسکتے ہیں۔ڈاکٹر صدیقی نے کہا کہ لائبریری کے اوقات کار میں اضافہ بھی کردیا گیا ہے۔ نئے اوقات کار کے مطابق اب یونیورسٹی کی مرکزی لائبریری سوموار سے جمہ کے دن تک صبح 8۔بجے سے شام ساڑے چھ(6:30) بجے تک جبکہ ہفتے کے دن صبح 8۔بجے سے دن ساڑے تین (3:30)بجے تک طلبہ و طالبات اور فیکلٹی ممبرز کو خدمات فراہم کررہی ہے۔ مرکزی لائبریری کے انچارج ¾ محمد عمر نے وائس چانسلر کو لائبریری میں قائرین کو پرسکون اور فریڈلی ماحول فراہم کرنے کی یقین دہانی کراتے ہوئے کہا کہ قارئین کو بہترین خدمات پہنچانا ہمای ذمہ داری ہے اور اس سلسلے میں لائبریری کے پورے عملے کی تربیت کی گئی ہے اور انہیں ہدایت بھی کی گئی ہے کہ لائبریری آنے والے ہر طالب علم ¾ طالبہ یا فیکلٹی ممبر کا خیال رکھا جائے اور ان کو مطلوبہ معلومات میں رہنمائی فراہم کی جائے۔ عمر خان نے کہا کہ لائبریری سٹاف یونیورسٹی کے وائس چانسلر کی ہدایات پرمن و عن عمل کرے گی اور طلبہ و طالبات کو بہترین خدمات فراہم کرنے میں کوئی کسر باقی نہیں چھوڑیں گے۔
ایمز ٹی وی (کراچی)جامعہ بنوریہ عالمیہ کے مفتی محمد نعیم نے کہاکہ مدارس دہشت گردی کا مدارس سے تعلق جوڑنا سمجھ سے بالا تر ہے، مدارس دین کے قلعے اور وطن عزیز کی نظریاتی سرحدات کے محافظ ہیں ،اہل مدارس دہشت گردی کے خاتمے کےلے حکومت کے ساتھ ہر قسم کا تعاون کرنے کےلئے تیار ہیںاور اس سے پہلے بھی تعاون کرتے رہے ہیں ،مدارس کی جسٹریشن سے کوئی اعتراض نہیں لیکن مداخلت نہ پہلے برداشت کی ہے اور نہ اب کریں گے، ٹاک شوز میںبیٹھ کر مدارس پر الزام لگانے والوں میں مدرس کے دورے کی دعوت دیتاہوں،فرد واحد یا کسی ایک ادارے کی وجہ سے تمام مدارس کو دہشت گردی کی صف میں کھڑا کرنا کہاں کا انصاف ہے۔ ہفتہ کو جامعہ بنوریہ عالمیہ سے جاری بیان میں مفتی محمد نعیم نے کہاکہ مدارس و اہل مدارس نے ہمیشہ ملک وقوم اورملت سے مخلص ہوکربلاکسی مادی لالچ اورعہدے کے وطن عزیزکےلئے خدمات سرانجام دی ہیںاورپوری دنیا میں لوہا منوایا ہے جس طرح پاک فوج وطن عزیزکے جغرافیائی سرحدوںکی حفاظت کےلئے ہمہ وقت تیاراوردشمنوںسے نبردآزمارہتی ہے اسی طرح مدارس دینیہ اورعلماکرام مملکت خدادپاکستان کے نظریاتی سرحدوں کی حفاظت کررہے ہیں
ایمز ٹی وی (کراچی)کراچی میں فائرنگ اور پرتشدد واقعات میں خاتون سمیت دو افراد جاں بحق ہوگئے۔ رینجرز کی مختلف کاروائیوں میں کالعدم تنظیم کے کارندوں سمیت تئیس ملزمان کو گرفتار کرلیا۔ بلدیہ ٹاؤن میں فائرنگ سےسنی تحریک کا کارکن جاں بحق ہوگیا۔ شیرشاہ میں فائرنگ سے خاتون جاں بحق ۔
رینجرز نے مختلف کارروائیوں میں کالعدم تنظیم کے کارندوں سمیت تئیس ملزمان کو گرفتار کرلیا۔ موچکو میں مبینہ پولیس مقابلے میں پانچ بھائیوں کے قتل میں ملوث شکیل مارا گیا، ملزم کے قبضے سے اسلحہ اور دستی بم برآمد، کورنگی شرافی گوٹھ میں پولیس نے کارروائی کرتے ہوئے دو ملزمان کو گرفتار کرکے ان کے قبضے سے اسلحہ برآمد کرلیا۔
لیاقت آباد میں پولیس نے چھاپہ مارکر متحدہ مومنٹ کے 4 کارکنوں کو گرفتار کرلیا۔ ذرائع کے مطابق حساس اداروں کے اہلکاروں نے نارتھ کراچی میں سیکٹر الیون بی میں ایک سیاسی تنظیم سے تعلق رکھنے والے سرگرم کارکن کے گھر پر چھاپہ مارا،تاہم چھاپے کے دوران کوئی گرفتاری عمل میں نہیں آسکی۔ لیکن پولیس نے بھاری تعداد میں اسلحہ اورکے ڈی اے کے اسٹاپ پیپر والی پلاٹوں کی جعلی فائلیں، نقشے، ریلوے اوردیگر سرکاری محکموں کے جعلی دستاویزات برآمد ہوئے ہیں، جنہیں تحویل میں لے کر ان دستاویزات کی مزید جانچ پڑتال شروع کردی ہے۔ بتایا جاتا ہے کہ مذکورہ گرھ چائنا کٹنگ میں ملوث ایک سیاسی تنظیم کے کارکنان سلطان نامی شخص کا ہے، ذرائع کے کا دعوی ہے کہ سلطان متحدہ قومی موومنٹ کا کارکن ہے جسے رینجرز اہلکار سرگرمی سے تلاش کررہے ہیں۔
کورنگی میں رینجرز نے 2 مختلف کارروائیوں 5 ملزمان فہیم، امتیاز، عرفان عرف چاند، مشتاق اور شعیب کو گرفتارکرکے اسلحہ برآمد کرلیا۔ملزمان کا تعلق مذہبی اور سیاسی جماعت سے ہے۔
کورنگی صنعتی ایریا میں ٹارگیٹڈ کارروائی کرکے رینجرز نے 3 ملزمان کو گرفتار کرکے اسلحہ برآمد کرلیا۔ ملزمان کا تعلق کالعدم تحریک طالبان سے ہے
ایمزٹی وی(سندھ )کے وزیر اطلاعات و بلدیات شرجیل انعام میمن نے کراچی پریس کلب کے سالانہ انتخابات برائے سال 2015 میں دی ڈیموکریٹ پینل کے تمام امیدواروں کی بھاری اکثریت سے کامیابی پر انہیں مبارکباد پیش کی ہے۔ ہفتہ کی شب جاری اپنے بیان میں صوبائی وزیر نے کراچی پریس کلب کے انتخابات میں صدر کے عہدے پر کامیاب ہونے والے فاضل جمیلی، نواب قریشی، اے ایچ خانزادہ، حنیف اکبر اور رضوان بھٹی کو ان کی کامیابی پر مبارکباد پیش کرتے ہوئے کہا ہے کہ پاکستان پیپلز پارٹی نے ہمیشہ آزادی صحافت کے لئے صحافیوں کا بھرپور ساتھ دیا ہے۔ انہوں نے کہا کہ اس ملک میں جمہوریت کے استحکام اور آمریت کے خاتمے لئے صحافیوں اور پیپلز پارٹی کی ایک تاریخ ہے۔ شرجیل انعام میمن نے کہا ہے کہ پاکستان پیپلز پارٹی جب بھی حکومت میں آئی ہے اس نے صحافیوں کو درپیش مسائل کے ازالے کے لئے اپنا بھرپور کردار ادا کیا ہے اور آئندہ بھی پیپلز پارٹی آزادی صحافت اور صحافیوں کی فلاح و بہبود کے لئے اپنا کردار ادا کرتی رہے گی۔