امیز ٹی وی(انٹر ٹینمنٹ) بھارت میں تشہیری مہم میں جیسے لوگوں نے خوش آمدید کیااسکا تصور عام پاکستانی نہیں کرسکتا۔ ماڈل و اداکارہ ماورا حسین نے کہا ہے کہ بھارتی فلم صنم تیری قسم سے فلمی کیریئر کا آغاز خوش آئند ثابت ہوا ہے۔ کئی بھارتی پروڈیوسرز نے فلموں میں کام کی آفرز دی ہیں ، بھارتی فنکار بھی پاکستانی فنکاروں سے اچھے تعلقات چاہتے ہیں،فنکاروں کی پرفارمنس سرحدوں کی محتاج نہیں ہوتی۔مجھ سے پہلے بھی کئی سینئر فنکار اپنی فنکارانہ صلاحیتوں کی بنا پر پڑوسی ملک میں جاکر اپنا ثقافتی کردار ادا کرچکے ہیں۔ان خیالات کا اظہار انہوں نے گزشتہ شب اپنی پہلی فلم “ صنم تیری قسم ” کے پریس شو کے موقع پر خصوصی گفتگو کرتے ہوئے کیا۔ ان کا کہنا تھا کہ جہاں تک رنبیرکپور کے ساتھ کام کرنے کا چرچا تھا اس قسم کی بہت ساری خبریں آتی رہی ہیں۔ میں ایک فنکارہ ہوں کسی بھی اداکار کے ساتھ کام ملے گا کروں گی۔ بھارت میں تشہیری مہم کے دوران جس طرح لوگوں نے خوش آمدید کیا ،۔ تقریب میں فردوس جمال، ہمایوں سعید، جنید خان، شبیر جان ، فریدہ شبیر، ٹیپو شریف، یاسر نواز ، دانش نواز، ندا یاسر، حسن ضیا، رباب، بیناحسن، نیلم مقصود، خالد انعم، بلال فردوس، خالد بٹ و دیگر شخصیات شریک تھیں۔