ایمز ٹی وی (سائنس ) چین نے پہلی الیکٹرک کار متعارف کرا دی۔ تفصیلات کے مطابق بجلی سے چلنے والی مذکورہ گاڑی کی حد رفتار 130 میل فی گھنٹہ ہے جسے خودکار ڈرائیونگ موڈ پر رکھ کر بھی چلایا جاسکتا ہے جس کے دوران اسٹیئرنگ وہیل فولڈ ہوکر ڈیش بورڈ میں چلا جاتا ہے۔ اسی طرح ایک سمارٹ فون ایپ کے ذریعے اسے پارکنگ سے اپنے پاس بلایا جا سکتا ہے۔ اس گاڑی کی ویڈیو میں دکھایا گیا ہے کہ اس میں ٹچ اسکرین انفوٹینمنٹ موڈیول فیچر موجود ہے جبکہ نیوی گیشن کا سسٹم جدید ترین ہے اور گاڑی کی پچھلی سیٹوں پر بیٹھے مسافروں کی وقت گزاری کے لیے ٹی وی مانیٹرز بھی موجود ہیں۔ ابھی تک اس بارے میں کچھ بتایا نہیں گیا کہ اس گاڑی کو کب تک فروخت کے لیے پیش کردیا جائے گا تاہم امکان ہے کہ جلد اسے صارفین سڑکوں پر چلاتے نظر آئیں گے