ایمز ٹی وی(ٹیکنالوجی) بھارت کی کمپنی نے دنیا کا سب سے سستا اسمارٹ فون متعارف کرادیا ہے جس کی قیمت 99 بھارتی روپے ہے اور اس کی بکنگ اور رجسٹریشن 25 مئی تک جاری رہے گی۔اسے بنگلورو کی مقامی کمپنی نے تیار کیا ہے جس کی آن لائن بکنگ شروع ہوچکی ہے۔ کمپنی ترجمان کے مطابق 17 سے 25 مئی تک اسمارٹ فون کی بکنگ جاری ہے اور اس کے قبل از وقت آرڈر دیئے جاسکتے ہیں۔

اسمارٹ فون کا نام ’ اچھے دن ‘ رکھا گیا ہے جس کے خریداروں کو پہلے ایک اور ویب سائٹ پر جانا ہوگا جہاں سے یوزرنیم اور پاس ورڈ ملے گا۔ پھر اس یوزر نیم اور پاس ورڈ کو کمپنی کی ویب سائٹ پر شامل کرکے زندگی بھر کی ممبرشپ حاصل کی جاسکے گی جو صرف 199 روپے میں ملے گی۔

”اچھے دن“ نامی اسمارٹ فون میں 4 انچ کا ڈسپلے ہے جس کی ریزولوشن 480×800۔ یہ اسمارٹ فون اینڈروئڈ 5.1 لالی پاپ ا?پریٹنگ سسٹم استعمال کرتا ہے اور ایک جی بی ریم کےعلاوہ اندرونی اسٹوریج 4 جی بی جو مائیکرو ایس ڈی کارڈ کے ذریعے 32 جی بی تک بڑھائی جاسکتی ہے۔ ایک وی جی اے سیلفی کیمرہ سامنے اور 2 میگا پکسل کیمرہ بیک سائیڈ پر نصب ہے جب کہ تھری جی کے ساتھ 2 سم لگانے کی گنجائش ہے۔ اسمارٹ فون تین مختلف ماڈلز اور رنگوں میں دستیاب ہے۔

کمپنی کے مطابق پہلے اس موبائل فون کی قیمت 2,999 روپے تھی جو کم کرکے صرف 99 روپے کردی گئی ہے اور اسے گھر بیٹھے حاصل کرنے کے لیے معمولی رقم ادا کرنا ہوگی۔