ایمزٹی وی(ٹیکنالوجی)ایک تحقیق کے مطابق رواں صدی میں 5.8 بلین موبائل فونز لوگوں کے زیر استعمال ہیں جبکہ زمین پرقریباً 7.4 بلین انسان آباد ہیں۔ محققین کا کہنا ہے کہ آئندہ بیس سالوں میں موبائل فون یوزرز کی تعداد 5.8 بلین سے بھی تجاوز کر جائے گی ۔ آئی فون اور مشہور و مقبول اینڈرائیڈ سمارٹ فون کمپنیز عوام کو جدید ٹیکنالوجی سے روشناس کروا رہی ہیں ۔ ٹیکنالوجی کی جدتوں سے مستفید ہونے کے ساتھ ہی ایک سنگین اور بڑا مسئلہ اینڈرائیڈ صارفین کو درپیش ہے جو کہ ان کے ای میل اور دیگر سوشل اور سیکورٹی اکاؤنٹس کا محفوظ نہ ہونا ہے۔ اسی وجہ سے کاروباری اور دیگر شعبوں سے وابستہ افراد کی پہلی ترجیح ایپل آئی فون کا آئی او ایس سافٹ ویئر ہے۔ سام سنگ، ایل جی، ہواوے،سونی، زیڈ ٹی ای، ٹی سی ایل، لینووو، اوپو، کیو موبائل ، بین الاقوامی شہرت کی حامل کمپنیز ہیں۔ یہ کمپنیز آئے دن نئی نئی ایپلی کیشنز، سافٹ ویئر اور جدید موبائل فون اسیسریز متعارف کروا رہی ہیں، لیکن ان سب میں سے کوئی ایک کمپنی بھی سکیور یعنی محفوظ اینڈرائیڈ سافٹ ویئر سامنے نہ لا سکی ہے۔ سافٹ وئیر کی بات کی جائے تو گوگل درج بالا کئی کمپنیز کو اپنا اپ ڈیٹ سافٹ ویئر فروخت کرتا ہے۔ گوگل اینڈروئیڈ اتنا مقبول ہونے کے باوجود محفوظ تصور کیوں نہیں کیا جاتا؟ اور اینڈروئیڈ صارفین ہی زیادہ ہیکنگ کے حملوں کا نشانہ کیوں بنتے ہیں؟

اس کا جواب ملاحظہ کریں ۔ اس کی ایک بڑی وجہ یہ ہے کہ "اینڈروئیڈ " سافٹ ویئر اوپن سورس کے تحت بنایا گیا ہے۔ گوگل نے ایک سکیم شروع کی جس میں اینڈرائیڈ یوزرز گوگل کی ایپلی کیشنز میں نقص تلاش کریں گے اور اس کے بدلے میں نقد انعامات حاصل کریں گے ۔ اینڈروئیڈ میں کوئی خامی دریافت ہوتے ہی گوگل اس کی اپ ڈیٹ جاری کر دیتا ہے، لیکن سمارٹ فون بنانے والی کمپنیز اس اپ ڈیٹ کو اپنے صارفین تک پہنچانے کے لیے مہینوں لگا دیتی ہیں جبکہ دوسری طرف ایپل اپنے آپریٹنگ سسٹم اور فون کا خود مالک ہے۔ وہ جب چاہے اپنے فون کے لیے اپ ڈیٹس جاری کر سکتا ہے، جو فوراً صارفین تک پہنچ جاتی ہیں۔ یہی وجہ ہے کہ زیادہ تر آئی فونز پر تازہ ترین آپریٹنگ سسٹم ملتا ہے جبکہ اینڈروئیڈ کے پرانے ترین ورژن کے حامل سمارٹ فون میں بھی ابھی تک زیر استعمال ہیں ۔ سمارٹ فون کے میدان میں آئی فون کو ٹکر دینے کے لیے اب گوگل نے اپنا فون بنانے کا فیصلہ کیا ہے۔ حال ہی میں گوگل نے 10 انچ کا سمارٹ ٹیبلٹ اور سمارٹ فون متعارف کروانے کا اعلان کیا ہے، جس میں اینڈرائیڈ کا سب سے تازہ ترین اپ ڈیٹ ورژن "اینڈرائیڈ این7.0" ہو گا۔

اس سے قبل بھی گوگل کا فون نیکسس موجود ہے ،لیکن اسے گوگل خود تیار نہیں کرتا بلکہ اس کی اشتراکی کمپنیز جیسے کہ ایل جی، ایچ ٹی سی وغیرہ اسے بناتی ہیں، بس اس میں آپریٹنگ سسٹم گوگل کا موجود ہوتا ہے۔ بہرحال گوگل پچھلے کچھ عرصے سے اس مہم میں مصروف ہے کہ دنیا اسے سافٹ ویئر کے علاوہ ہارڈویئر کے حوالے سے بھی جانے یہی وجہ ہے کہ اب گوگل نے ٹیبلٹ و لیپ ٹاپس کے علاوہ اپنا فون بنانے کا بھی اعلان کر دیا ہے۔ گوگل کا سمارٹ فون کیسا ہو گا؟

یہ تو فی الحال علم نہیں، لیکن اگلے چند ماہ میں ایپل آئی فون، سام سنگ گلیکسی ، ہواوے پی سیریزاورسونی ایکسپریا سیریز وغیرہ کے ساتھ آپ گوگل کا فون بھی صف اوّل کے فونز کی دوڑ میں دیکھ سکیں گے