ایمز ٹی وی (اسلام آباد) سانحہ پشاورکے  دہشتگردوں کی شناخت ہوگئی  اور اس سلسلے میں آرمی چیف نے وزیراعظم کو آگاہ کردیاہے جبکہ خود جنرل راحیل شریف نہایت اہم دورے پر پڑوسی ملک افغانستان پہنچ گئے ہیں ۔ وزیراعظم کو دہشتگردوں اوراُن کے سہولت کاروں سے متعلق نہایت اہم رپورٹ پیش کردی گئی ہے ،فہرستیں بھی تیار ہیں جس کے بعدقومی مجرموں کے خلاف جلد کارروائی کا امکان ہے جبکہ وسیع پیمانے پرملک بھر سے بالخصوص خیبرپختونخواہ اور سوات سے اہم گرفتاریاں متوقع ہیں ۔آرمی چیف خود کابل پہنچ گئے جہاں وہ افغان قیادت اورکمانڈر سے اہم ملاقات کریں گے تاہم آرمی چیف کے ممکنہ ایجنڈے کی تفصیلات معلوم نہیں ہوسکیں ۔