ایمز ٹی وی(جکارتہ) انڈونیشیا کی صوبہ آچے میں شرعی قانون کے نفاذ کے بعد جرائم کے مرتکب افراد کو دھڑا دھڑ کوڑے مارنے کا سلسلہ جاری ہے۔ صوبے کے دارالخلافہ باندہ آچے میں کوڑے برسانے کا تازہ ترین مظاہرہ دیکھا گیا، جہاں ناجائز مراسم استوار کرنے کے جرم میں ایک شادی شدہ شخص کو اتنے کوڑے مارے گئے کہ وہ بیہوش ہوکر وہیں ڈھیر ہوگیا۔
دی میٹرو کی رپورٹ کے مطابق اس شخص کو مزید کوڑے مارنے کے لئے اٹھانے کی کوشش کی گئی مگر یہ ہوش میں نہ آیا جس کے بعد سپاہی اسے اٹھا کر لے گئے۔ اس کے ساتھ تعلق استوار کرنے کے الزام میں گرفتار کی گئی خاتون کو بھی سینکڑوں افراد کے سامنے کوڑے مارے گئے۔
انڈونیشیا میں آچے واحد صوبہ ہے جہاں شرعی قانون نافذ ہے۔ یہاں جوا بازی، شراب نوشی اور ناجائز مراسم کے الزام میں گرفتارہونے والوں کو سرعام کوڑے مارے جاتے ہیں