ایمز ٹی وی (فارن ڈیسک) جنگجو تنظیم ’’داعش‘‘ نے شمالی عراق سے اغوا کیے گئے 4 افراد کو ذبح کردیا۔

غیر ملکی خبر رساں ادارے کے مطابق جنگجو داعش کی جانب سے جاری کردہ ایک رپورٹ میں بتایا گیاہے کہ سرقلم کیے جانے والے افراد نے عراقی فورسز کے ساتھ مل کر تکریت میں داعش کے خلاف آپریشن میں حصہ لیا تھا جس کے بعد ان افراد کو عراق کے شمالی شہر صلاح الدین سے اغوا کیا گیا اور سزا کے طور پر ان کو ذبح کیا گیا ہے۔ داعش کی جانب سے ان افراد کی تصویر بھی جاری کی گئی ہے جس میں جنگجوؤں کو سیاہ کپڑوں میں ملبوس افراد کو ذبح کرتے دکھایا گیا ہے۔

واضح رہے کہ داعش نے اس قبل بھی کئی افراد کے سر قلم کیے جب کہ تنظیم کی جانب سے اس سفاکیت کی ویڈیوز اور تصاویر بھی جاری کی جاتی ہیں۔