ایمز ٹی وی(نیشنل) نجی اسکولوں کی جانب سے اسکولوں میں فیس کی مد میں اضافے پر پاکستان میں سوشل میڈیا پر انتہائی منفی ردعمل کا اظہار کیا جارہا ہے۔ نجی اسکولوں کی جانب سے فیس کی مد میں اضافے نے طلبہ اور انکے والدین کو سڑک پر احتجاج کرنے پر مجبور کردیا ہے۔ بھاری فیسوں سے عاجز والدین کا مطالبہ ہے کہ فیس کی مد میں حالیہ اضافے کو واپس لیا جائے۔ ٹوئٹر پر موجود صارفین نے بھی اس معاملے پر شدید رد عمل کا مظاہرہ کیا ہے اور نجی اسکولوں کی مخالفت میں ٹرینڈ StopPrivateSchoolMafia# سب سے اوپر ہے۔