واشنگٹن: پیغام رسانی کی سب سے بڑی ایپلی کیشن واٹس ایپ نے گروپ صارفین کے لیے مزید سہولیات متعارف کرانے کا فیصلہ کرلیا۔
غیرملکی خبررساں ادارے کی رپورٹ کے مطابق واٹس ایپ ایک نئی خصوصیت متعارف کرانے جارہا ہے جس میں مزید شرکا کو جن کی آڈیو کالنگ میں حد کم ہے، گروپ آڈیو اور ویڈیو کالز میں شامل ہونے کی اجازت دے گا۔
رپورٹ میں واٹس ایپ بیٹا اپ ڈیٹ نے انکشاف کیا کہ کمپنی آڈیو اور ویڈیو گروپ کال میں شریک افراد کی حد میں توسیع کرنے کی منصوبہ بندی کررہی ہے۔
رپورٹ میں کہا گیا ہے کہ واٹس ایپ شاید کرونا وائرس کے خدشات اور اس کی حقیقت کی وجہ سے زیادہ سے زیادہ صارفین گروپ کالیں استعمال کررہے ہیں اس لیے مزید شرکا کے ساتھ کال کرنے کی اجازت دینے کے لیے اس حد کو بڑھانے کا فیصلہ کیا ہے۔
کمپنی نے ابھی انکشاف نہیں کیا ہے کہ جب عالمی سطح پر نئی کالنگ کی خصوصیت نافذ ہوجائے گی تو کتنے صارفین آخرکار گروپ کال میں شامل ہوجائیں گے، تبدیلیاں واٹس ایپ میسنجر بیٹا اور آئی او ایس ورژن میں کی جائیں گی۔
واضح رہے کہ جب آپ کال کرتے ہیں تو واٹس ایپ ایک نیا ہیڈر دکھاتا ہے جس سے یہ آگاہ ہوتا ہے کہ کال کے اختتام تک خفیہ کاری ہے، سبھی شرکا کو واٹس ایپ ورژن میں شامل ہونا پڑے گا تاکہ وہ اینڈرائیڈ اور آئی او ایس بڑے گروپ کال میں حصہ لے سکیں گے۔
گزشتہ ماہ کے آخر میں فیس بک میسنجر کا استعمال کرتے ہوئے گروپ ویڈیو کالز میں 70 فیصد سے زیادہ لوگوں نے حصہ لیا تھا اور ان گروپ ویڈیو کالز پر خرچ ہونے والے وقت کا عالمی سطح پر دگنا اضافہ ہوا تھا۔
ایپل کا فیس ٹائم ویڈیو کالنگ ٹول 32 افراد کی حمایت کرتا ہے جبکہ فیس بک میسنجر ایک کال میں 50 افراد تک کی مدد کرسکتا ہے