پاکستان ریلوے کانیا پلان راولپنڈی: پاکستان ریلوے کو بزنس دلانے کیلیے ریلوے انتظامیہ اور کوہاٹ سیمنٹ کے درمیان بات چیت شروع ہوگئی۔ پاکستان ریلوے کوسالانہ ایک ارب روپے کابزنس دلانے کیلیے ریلوے انتظامیہ اور کوہاٹ سیمنٹ کے درمیان بات چیت شروع ہوگئی۔ ذرائع کے مطابق معاہدہ ہو نے کی صورت میں ریلوے فریٹ ٹرینوں کے ذریعے کراچی سے کوئلہ کوہاٹ لایا جائیگا۔

ایمز ٹی وی(بز نس)پاکستان ریلویز نے گزشتہ ایک سال میں اربوں روپے مالیت کی 3ہزار 500ایکڑ سے زائد قیمتی اراضی قبضہ مافیا سے واگزار کروالی ہے جبکہ 4ہزار 301.655ایکڑ اراضی ملک بھر تجاوزات ختم کرنے کے لیے جامع پالیسی مرتب کی ہے۔

سپریم کورٹ کی ہدایت پر پاکستان ریلویز حکام کا ملک بھر میں ریلویز کی قیمتی زمین پر قبضہ مافیا کے خلاف کمپین کا سلسلہ جاری ہے اور اب تک تجاوزات کے خلاف آپریشن میں ایک ہزار سے زائد افراد کو ناجائز تجاوزات پر گرفتار کیا گیاہے۔ پاکستان ریلویز کی دستاویز کے مطابق پاکستان ریلویز تجاوزات سے واگزار ہونے والی اراضی پر شارٹ ٹرم لیزنگ کے پلان پر عمل کر رہی ہے جس کے مطابق ریلویز نے رواں مالی سال 2015-16میں ریلوے اراضی کی لیزنگ سے ایک ارب پچاس کروڑ روپے کا پلان تیار کیا۔ ذرائع کے مطابق پاکستان ریلویز ہیڈکوارٹر میں موجود پروجیکٹ منیجمنٹ یونٹ جون 2016تک پاکستان ریلویز کی تمام اراضی کا ریکارڈ کمپیوٹراز کرلیا جائے گا جس کے بعد ریلویز زمینوں پر تجاوزات کو ختم کرنے میں آسانی ہوگی۔

پاکستان ریلویز دستاویزات کے مطابق پاکستان ریلویز کی ملک بھر میں اس وقت تک چار ہزار تین سو ایک اعشاریہ چھ سو پچپن ایکڑ اراضی پر قبضہ مافیہ کا قبضہ ہے۔ ریلویز دستاویزات کے مطابق سرکاری اداروں کی جانب سے ملک بھر میں 540.668ایکڑ اراضی پر جبکہ دفاعی اداروں کاپاکستان ریلویز کی کل 251.238ایکڑ اراضی جبکہ پرائیویٹ سیکٹر کی جانب سے 3509.749ایکڑ اراضی پر قبضہ ہے۔ ریلویز دستاویز کے مطابق پنجاب میں پرائیویٹ سیکٹر کی جانب سے 1837.371ایکڑ، خیبر پختون خوا میں13.077 ایکڑ،سندھ میں 1097.235 ایکڑ اراضی اور بلوچستان میں 562.066ایکڑ اراضی پر قبضہ ہے۔

دفاعی اداروں کی جانب سے پنجاب میں 172.925 ایکڑ، خیبرپختونخوا میں 14.730ایکڑ،سندھ میں 15.360ایکڑ اراضی اور بلوچستان میں 48.223 ایکڑ اراضی پر قبضہ ہے۔ دیگر سرکاری اداروں کی جانب سے پنجاب میں 271.403ایکڑ،خیبرپختونخوا میں 224.556 ایکڑ، سندھ میں 34.325ایکڑ اور بلوچستان میں 620.48ایکڑ ریلوے اراضی پر قبضہ ہے۔ پاکستان ریلویز نے ریلوے کی زمینوں کی 99سال کی لیز کے بجائے مڈٹرم لیز آفر کرنے کا سلسلہ شروع کیاہوا ہے۔

ایمز ٹی وی (کراچی) کراچی میں شاہراہ فیصل کا ایک ٹریک مرمتی کام کیلئے بند کر دیا گیا ہے ، معروف شاہراہ پر شہریوں کو شدید پریشانی کا سامنا رہا جبکہ دوپہر ایک بجے کے بعد ٹریفک کھول دیاگیا ۔ 

کراچی میں شاہراہ فیصل پر ڈرِگ روڈ ریلوے کراسنگ دوسرے مرحلے کا مرمتی کام کیا جا رہا ہے، مرمتی کام کی وجہ سے شاہراہ فیصل کا ایک ٹریک بند کر دیا گیا ہے جس کے باعث شہریوں کو چھٹی کے روز بھی شدید پریشانی کا سامنا ہے۔ گذشتہ روز مرمتی کام کی تیاری کے باعث شہر قائد کی مصروف ترین شاہراہ پر ٹریفک کا دباؤ بڑھ گیا ، شاہراہ فیصل پر سٹی میٹرو پول سے ائیر پورٹ جانے والی ٹریفک روک دی گئی ۔ مرمتی کام کے باعث بند کیا جانے والا ٹریک عام ٹریفک کیلئے دوپہر تک مکمل بند رہا ۔ انتظامیہ نے ائیر پورٹ جانے والے مسافروں کو گلستان جوہر ، پہلوان گوٹھ اور کورنگی صنعتی ایریا شاہ فیصل فلائی اوور کا راستہ اختیار کرنے کی ہدایت کی ہے۔