ایمزٹی وی(اسلام آباد) الیکشن کمیشن نے متحدہ قومی مومنٹ پرپابندی کی درخواست عدم پیروی پر خارج کردی۔ زرائع کے مطابق الیکشن کمیشن میں سردار محمد اقبال ہزاروی نے ایم کیو ایم پر پابندی کے لئے درخواست دائر کی تھی، درخواست میں موقف اختیار کیا گیا تھا کہ ایم کیو ایم کے بانی الطاف حسین نے پاکستان مخالف نعرے لگا کر غداری کی، پاکستان کے خلاف نعرے بازی پر ایم کیو ایم پر پابندی عائد کی جائے اور ایم کیو ایم کے تمام ارکان قومی اور صوبائی اسمبلی سمیت سینیٹرز کو بھی نااہل قرار دیا جائے۔ الیکشن کمیشن نے درخواست سماعت کے لیے منظور کرتے ہوئے کارروائی کے لیے پیر کی تاریخ مقرر کی تھی تاہم سماعت کے دوران درخواست گزار ہی غیر حاضر تھا۔ الیکشن کمیشن نے درخواست گزار کی جانب سے عدم پیروی پر درخواست خارج کردی۔
Leave a comment