ایمز ٹی وی (اسلام آباد) حکومت اور اپوزیشن نے نئے چیئرمین نیب کےلیے تین تین نام تجویز کردئیے۔اپوزیشن لیڈر خورشید شاہ کا کہنا ہے کہ وزیر اعظم سےجمعرات کو ملاقات میں اس معاملے پر مزید مشاورت ہو گی۔ خورشید شاہ نے کہا ہے کہ وزیر اعظم شاہد خاقان عباسی سے ملاقات میں چیئرمین نیب کےلیے 6 ناموں پر مشاورت ہوئی جن میں سے تین نام حکومت اور تین اپوزیشن کی جانب سے دیے گئے ہیں۔

انہوں نے کہا کہ حکومت کی طرف سے جسٹس رٹائرڈ رحمت جعفری ، جسٹس رٹائرڈ چوہدری اعجاز اور ڈی جی آئی بی آفتاب سلطان شامل ہیں، جبکہ اپوزیشن کی طرف سے جسٹس ریٹائرڈ فقیر محمد کھوکھر، جسٹس ر یٹائرڈ جاوید اقبال اور الیکشن کمیشن کے سابق سیکرٹری اشیاق احمد خان کے نام شامل ہیں۔ خورشید شاہ نے کہا کہ میں اپنی قیادت اور وزیر اعظم اپنے رفقا سے ان ناموں پر مزید مشاورت کریں گے۔ پی ٹی آئی اور ایم کیو ایم سے بار بار ان کے نام مانگے لیکن انہوں نے نہیں دئیے۔ جماعت اسلامی نے جو نام دیا وہ شامل کر لیا ہے

نہوں نے کہا کہ آٹھ اکتوبر سے پہلے نئے چیئرمین کا فیصلہ کر لیا جائے گا