ایمز ٹی وی(فارن ڈیسک)بین الاقوامی خلائی اسٹیشن کے لیے رسد لے جانے والا راکٹ امریکی ریاست ورجینیا میں لفٹ آف کے چند سیکنڈ بعد پھٹ کر تباہ ہو گیا ہے۔اوربیٹل سائنسز کارپوریشن کا کہنا ہے کہ ابتدائی اطلاعات کے مطابق اس حادثے میں کسی جانی نقصان کی اطلاع نہیں ہے۔یہ چوتھا راکٹ تھا جو بین الاقوامی خلائی اسٹیشن کے لیے رسد لے کر روانہ ہوا تھا۔ کمپنی کی سگنس کارگو شپ پر بین الاقوامی خلائی اسٹیشن پر موجود چھ افراد کے لیے 5000 پاؤنڈ کا سامان تھا۔