ایمز ٹی وی(اسلام آباد)لاہور ہائیکورٹ نے مسلم لیگ (ن) کی جانب سے اصلی شیر کو انتخابی مہم کا حصہ بنائے جانے پر الیکشن کمیشن سے جواب طلب کرلیا۔ ذرائع کے مطابق لاہور ہائیکورٹ نے معروف اداکارہ فریال گوہر کی جانب سے دائر درخواست پر سماعت کی جس میں مؤقف اختیار کیا گیا کہ مسلم لیگ (ن) نے شیر کو انتخابی مہم کا حصہ بنایا اور شیر کے گلے میں پٹا ڈال کر اسے سڑکوں پر گھمایا گیا جو وائلڈ لائف قوانین کے علاوہ جانوروں کے حقوق کی خلاف ورزی ہے جب کہ عدالتی حکم امتناعی کے باوجود مالم لیگ کے امیدواروں نے اصلی شیر کو انتخابی مہم میں استعمال کیا اس لئے مسلم لیگ (ن) کے خلاف کارروائی کی جائے۔اس موقع پر عدالت نے ریمارکس میں کہا کہ عدالت کے منع کرنے کے باوجود انتخابی مہم میں شیر لانے پر کیا کارروائی کی گئی جب کہ عدالت نے مزید کارروائی 20 نومبر تک ملتوی کرتے ہوئے الیکشن کمیشن سے جواب طلب کرلیا۔