ایمزٹی وی(اسلام آباد)چیف آف آرمی سٹاف جنرل راحیل شریف سے ہارٹ آف ایشیا کانفرنس میں شرکت کرنے والے افغان صدر اشرف غنی نے ملاقات کی۔ ذرائع کے مطاق آئی ایس پی آر کا کہنا تھا کہ ملاقات میں افغانستان میں امن اور سلامتی کی صورتحال پر تبادلہ خیال کیا گیا دہشتگردی کے مشترکہ خطرے سے نمٹنے کیلئے مل کر کام کرنے کے عزم کا اظہار کیا گیاہے ۔ اس موقع پر افغان صدر اشرف غنی نے دہشتگردی کیخلاف جنگ میں پاکستان کی کامیابیوں کا اعتراف کیا۔ تفصیلات کے مطابق آرمی چیف نے افغان صدر کو انٹیلی جنس معلومات کے تبادلے، آپریشنل تعاون کی یقین دہانی کرائی۔ آرمی چیف نے کہا کہ افغانستان میں امن و استحکام کیلئے پاکستان مفاہمتی عمل کی مکمل حمایت کرے گا۔ افغانستان سے باہمی احترام اور مفاد پر مبنی تعلقات چاہتے ہیں جبکہ افغان صدر نے کہاکہ دہشت گردی کے مشترکہ خطرے سے نمٹنے کیلئے مل کر کام کرنا ہو گا۔