ایمزٹی وی(خیبرپختونخواہ)خیبرپختونخوا اسمبلی میں متفقہ طو پر سات قرار دادوں کی منظوری دی گئی، ان قراردادوں میں سوات ائیرپورٹ کو فعال کرنے، مالاکنڈ ڈویژن کو اقتصادی راہداری کا حصہ بنانے، عبدالستار ایدھی کو خیبرپختونخوا کی تعلیمی نصاب میں شامل کرنے، موبائل کمپنیوں کے نائٹ پیکجز پر پابندی، مختلف علاقوں کو گیس کی سپلائی بلا تعطل جاری رکھنے، بیرونی ملک پاکستانیوں کو ووٹ کا حق دینے اور خلیجی ممالک کے ساتھ بہتر تعلقات رکھنے شامل ہیں۔
قراردادیں جماعت اسلامی کے محمد علی، پیپلزپارٹی کے صاحبزادہ ثناءاللہ، ن لیگ کی آمنہ سردار، جماعت اسلامی کی راشدہ رفعت، جے یو آئی کی عظمیٰ خان نے پیش کی۔