ایمزٹی وی: (شمالی وزیرستان) سیکیورٹی فورسز کی دہشت گردوں کے ساتھ جھڑپ شمالی وزیرستان کے علاقے غرلمائی میں کلیئرنس آپریشن کے دوران ہوئی جس میں 4 دہشت گرد ہلاک ہوئے جبکہ فائرنگ کے تبادلے میں 2 فوجی جوان بھی شہید ہوئے۔

طالبان کے ساتھ مذاکرات ناکام ہونے کے بعد جون میں پاک فوج کی جانب سے دہشت گردوں کے خلاف آپریشن ضرب عضب شروع کیا گیا جس میں اب تک 1200 سے زائد دہشت گرد ہلاک اور ان کے درجنوں ٹھکانے تباہ ہو چکے ہیں جبکہ سیکیورٹی فورسز نے شمالی وزیرستان کے کئی علاقوں کو دہشت گردوں سے مکمل طور پر خالی بھی کرالیا ہے۔