ایمز ٹی وی (پشاور) عوامی نیشنل پارٹی کے سربراہ اسفند یارولی خان کا پشاور میں میڈیا سے بات چیت کرتے ہوئے کہنا تھا کہ احتجاج کرنا عمران خان کا بنیادی حق ہے لیکن پارلیمنٹ پر چڑھائی کا حق کسی کو نہیں اور اس قسم کے اقدامات سے وزیراعظم کا استعفیٰ نہیں لیا جاسکتا، عمران مرکز میں مینڈیٹ کا احترام کریں ہم خیبرپختونخوا میں ان کے مینڈیٹ کا احترام کریں گے۔ ان کا کہنا تھا کہ عمران خان کا وزیراعظم سے استعفی مانگنا غیر آئینی ہے اور ہرغیر آئینی کام روکنے کے لئے اے این پی سب سے آگے ہوگی۔ ہمیں کپتان چپ نہیں کراسکتے، اس مٹی اورقوم کا ہم پر حق ہے۔ انہوں نے اس بات کو خوش آئند قرار دیتے ہوئے کہا کہ تاریخ میں پہلی مرتبہ پاک فوج نے حالیہ مسئلے کو سیاسی مسئلہ قرار دے دیا اور فوجی قیادت نے خود کہا کہ سیاستدان مل بیٹھ کر خود مسئلے کا حل تلاش کریں۔