منڈی بہاؤالدین: مسلم لیگ (ن) کی قیادت قائداعظم گراؤنڈ میں ہی جلسہ کرنے پر اصرار کررہی ہے لیکن انتظامیہ نے اجازت دینے سے انکار کردیا۔

 

دوسری جانب منڈی بہاؤالدین میں جلسہ گاہ کے گراؤنڈ میں ابھی تک 6 انچ سے زائد پانی بھی موجود ہے اور جلسہ گاہ میں کرسیاں، شامیانے اور دوسرا سامان بھی نہیں پہنچا جب کہ انتظامیہ نے قائداعظم گراؤنڈ کے تینوں دروازوں کو تالے لگا دیے لیکن لیگی قیادت قائداعظم گراؤنڈ میں ہی جلسہ کرنے پر اصرار کررہی ہے۔ ڈی پی او منڈی بہاءالدین کا کہنا ہے کہ سیکیورٹی خدشات کےباعث ن لیگ کو جلسے کی اجازت نہیں دی۔

 

جلسے کی اجازت نہ ملنے پر (ن) لیگی کارکن سینما گراؤنڈ کے باہر احتجاج کررہے ہیں، لیگی کارکنوں کی حکومت کے خلاف نعرے بازی بھی کی جب کہ ان کا کہنا ہے کہ حکومت (ن) لیگ کے جلسے سے بوکھلاہٹ کا شکار ہے۔