وزیر ریلوے شیخ رشید نے 19 جولائی سے لاہور اور میانوالی کے درمیان نیازی ایکسپریس چلانے کا اعلان کر دیا۔ وزیر ریلوے نے اپنے ایک ویڈیو پیغام میں کہا کہ وزیراعظم عمران خان 19 جولائی بروز جمعہ کو رات 9 بجے ٹرین کا افتتاح میانوالی سے کریں گے۔ شیخ رشید نے بتایا کہ نیازی ایکسپریس کے اے سی کلاس کا کرایہ 800 اور اکانومی کا 350 روپے ہوگا جبکہ ٹرین ماڑی انڈس تک چلے گی۔

انہوں نے کہا کہ 400 میل کے ٹریک کا دورہ وہ کل خود کریں گے۔ پاکستان ریلویز نے ٹرینوں کے کرایوں میں 600 روپے تک اضافہ کردیا وزیر ریلوے نے کہا کہ یہ ریلوے کی تاریخ میں سالہا سال کے بعد ایک نیا اضافہ ہوگا جس سے علاقے کے لوگ مستفید ہوں گے۔ کچھ روز قبل وزیر ریلوے شیخ رشید نے کراچی اور راولپنڈی کے درمیان سر سید ایکسپریس کا افتتاح کیا تھا

۔ ٹرین کی اکانومی کلاس کا کرایہ 2 ہزار، اے سی بزنس کا کرایہ 6 ہزار 650 اور اے سی سلیپر کا کرایہ 8 ہزار 550 روپے رکھا گیا ہے