ایمز ٹی وی (لاہور) لاہور کے علاقے برکی میں لوہا مارکیٹ کے قریب واقع آئل مارکیٹ میں آگ بھڑک اٹھی جو دیکھتے ہی دیکھتے پورے مارکیٹ میں پھیل گئی ۔ اس حاد ثہ کے باعث پانچ افراد جاں بحق جبکہ تین زخمی ہوگئے۔ زخمی افراد کو فوری طبی امداد کے لیئے قریبی اسپتال لے جایا گیا۔ جاں بحق ہونے والے پانچ افراد میں سے تین کی لاشیں شناخت کی جا چکی ہیں جبکہ دو لاشوں کی ابھی تک شناخت نہیں ہوئی۔ڈسٹرکٹ آفیسر ریسکیو کے مطابق آگ بوائلر کی ٹینکی پھٹنے کی وجہ سے لگی تھی۔