ایمزٹی وی(لاہور)عمران خان نے خیبر پختونخوا میں وی آئی پی پروٹوکول ختم کرنے کا اعلان کرتے ہوئے کہا کہ گزشتہ روز کراچی میں جو کچھ ہوا اس پر شدید افسوس ہے۔ آرمی پبلک اسکول پر حملے کے بعد قوم جس طرح دہشتگردی کیخلاف اکھٹی ہو گئی تھی ویسے ہی آج بسمہ کی ہلاکت کے بعد ساری قوم وی آئی پی کلچر کا خاتمہ چاہتی ہے۔ اس حوالے سے عمران خان کا کہنا تھا کہ خیبرپختونخوا میں وزیراعظم سمیت کسی کیلئے بھی ٹریفک کو نہیں روکا جائے گا۔ اگر کسی کو مرنے کا اتنا ہی خوف ہے تو گھر بیٹھے۔ لودھراں میں جلسہ سے خطاب کرتے ہوئے عمران خان کا کہنا تھا کہ میں آج یہاں عوام کا شکریہ ادا کرنے آیا ہوں۔