ایزٹی وی(کراچی)سانحہ لعل شہباز قلندر کے بعد دہشت گردی کے مزید خدشہ کے پیش نظر کراچی میں 15 روز کے لئے دفعہ 144 نافذ کر دی گئی ہے۔
میڈیا ذرائع کے مطابق محکمہ داخلہ سندھ کی جانب سے جاری نوٹی فکیشن کے مطابق کراچی میں 15 روز کے لئے دفعہ 144 نافذ کر دی گئی ہے۔
جس کے تحت ایم اے جناح روڈ، تبت سینٹر، کلفٹن سمیت مخصوص مقامات پر جلسے جلوس اور اجتماعات پر پابندی عائد کر دی گئی ہے۔
محکمہ داخلہ کے مراسلے کے مطابق کراچی میں دفعہ 144 آئی جی سندھ اے ڈی خواجہ کی سفارش پر لگائی گئی ہے جس کا اطلاق آج رات 12 بجے سے ہوگا۔